U Minsku ŭ 2016 hodzie płanujecca pačać ŭstanoŭku videakamier na centralnych uvachodach mohiłak. Pra heta paviedamiŭ na pasiadžeńni rabočaj hrupy pa pytańni ŭtrymańnia i dobraŭparadkavańnia terytoryi stalicy dyrektar UP «Śpiecyjalny kambinat kamunalna-bytavoha absłuhoŭvańnia» Mikałaj Rakievič.
Pavodle słoŭ śpiecyjalista, videanazirańnie dazvolić skaracić kolkaść pravaparušeńniaŭ, jakija ździajśniajucca na mohiłkach.
U ciapierašni čas u horadzie viadziecca płanavaja ŭborka mohiłak. U vyvazie śmiećcia z mohiłak štodnia zadziejničana bolš za 30 adzinak techniki. Akramia taho, tut ŭstanoŭlena zvyš za 40 kantejniernych placovak, zrobleny kapitalny ramont čatyroch hramadskich tualetaŭ.
Mikałaj Rakievič taksama raspavioŭ, što sioleta na Vajskovych mohiłkach praviali invientaryzacyju miescaŭ pachavańnia. U vyniku było vyjaŭlena kala 300 mahił z razburanymi nadmahillami. Na kožnaj ź ich ustalavanaja šylda, jakaja infarmuje svajakoŭ pachavanaha ab tym, što nadmahille nieabchodna pryvieści ŭ naležny stan. Kali na praciahu ŭstalavanaha zakanadaŭstvam terminu jany nie vykanajuć patrabavańnie, nadmahille adramantujuć siłami absłuhovaj arhanizacyi. Pry hetym svajaki niabožčyka pazbaŭlacca prava być pachavanymi ŭ tym ža miescy. U 2016 hodzie invientaryzacyju miescaŭ pachavańnia praviaduć na ŭsich staličnych mohiłkach.
Pramova hetaha minskaha vypusknika na liniejcy ŭ 2020-m uzarvała internet. Što z chłopcam ciapier?3
Kamientary