Čamu Minsk pastajanna padtaplaje i ci možna z hetym niešta zrabić? Śpiecyjalist adkazaŭ
Apošnija tydni praz zalevy biełaruskuju stalicu zataplaje ledź nie štodnia. Hałoŭny inžynier «Harramliŭnieścioku» Alaksiej Filčankoŭ patłumačyŭ, čamu prablemu niemahčyma vyrašyć kančatkova.
Jak pišuć «Minsk-Naviny», pad Minskam raźmiaščajecca vialikaja sietka liŭnievaj kanalizacyi praciahłaściu 2125,9 km. Pa słovach Filčankova, pry prajektavańni kalektary robiać z trajnym zapasam. Ale pry pastajannych i mocnych letnich daždžach ich abjomu ŭsio roŭna nie chapaje, a anamalnaje leta 2025 hoda stvaryła vialikuju nahruzku na kanalizacyju.
«Dla lipienia miesiačnaja norma apadkaŭ raźličanaja na asnovie šmathadovych nazirańniaŭ i vyznačanaja na ŭzroŭni 98 mm na 1 kv. m. Ale zdarałasia, što jaje pałova vypadała za niekalki hadzin ci navat dziasiatkaŭ chvilin», — narakaje śpiecyjalist.
Taksama jon patłumačyŭ, čamu kalektary nie dajuć rady zalevam. Filčankaŭ kaža, što pry mocnym patoku vada nie paśpiavaje traplać u daždžapryjomniki i ciače ŭ nizinnaje miesca. Adsiul i rehularnyja padtapleńni vulic.
U teoryi prablemu moža vyrašyć padziemnaja sietka daŭžynioj amal 20 km i dyjamietram 6 m. Heta supastaŭna z tanelem mietro.
«Z ulikam ščylnaści zalahańniaŭ usich inžyniernych sietak i isnujučaj zabudovy hetaha horad nie paciahnie. Taksama heta niemetatazhodna. Mocnyja daždžy majuć niepradkazalny charaktar, i adhadać, dzie, u jakim abjomie i na jakoj terytoryi jany projduć, niemahčyma», — rastłumačyŭ Filčankoŭ.
U arhanizacyj, jakija zajmajucca kanalizacyjaj jość karty miescaŭ častych padtapleńniaŭ, i za 5 hadoŭ ich kolkaść źniziłasia sa 150 da 100. Ciapier idzie budaŭnictva kalektara da ačyščalnych zbudavańniaŭ vioski Jarkava, taksama praciahvajecca ŭźviadzieńnie troch avaryjnych trubapravodaŭ u rajonie vulic Vaniejeva, Vaśniacova i Plachanava i rychtujucca prajekty pa anałahičnych zbudavańniach u Maskoŭskim i ŭ Frunzienskim rajonach.
Ciapier čytajuć
Cichanoŭskaja pra muža: Uvieś jahony śviet pierakuleny26
Kamientary