Razbureńnie lehiendy: bolšaść murašak akazalisia darmajedami
Ličycca, što murašy vielmi pracavityja. Ale, jak pakazała novaje daśledavańnie, heta nie zusim tak. Navukoŭcy z Aryzonskaha ŭniviersiteta vyvučyli pavodziny murašak vidu Temnothorax rugatulus i pryjšli da vysnovy, što bolšaść ź ich cełymi dniami ničoha nie robić.
Daśledčyki razhladali piać murašnikaŭ u łabaratornych umovach. Jany ŭstalavali kamiery, jakija zdymali murašak na praciahu dvuch tydniaŭ šeść razoŭ na dzień pa piać chvilin. Jak pakazaŭ vopyt, čverć murašak ź liku rabočych ničoha nie rabiła naohuł, bolš za 70% murašak hultajničali jak minimum pałovu času, a pastajanna pracavali tolki 2,6% asobin.
U raniejšych pracach navukoŭcy mierkavali, što murašy pracujuć u zaležnaści ad rasparadku dnia, ale heta daśledavańnie pakazała, što tyja asobiny, jakija ničoha nie robiać, adpačyvajuć naohuł uvieś čas. Z čym heta źviazana, nieviadoma. Jość zdahadka, što jany albo zanadta maładyja, albo zanadta staryja.
Vid murašak Temnothorax rugatulus žyvie ŭ Paŭnočnaj Amierycy.
-
Karotkija teksty ad štučnaha intelektu zamiest spasyłak — Google zapuściŭ novuju sistemu pošuku
-
Samsung źbirajecca pastavić na smartfonach jašče adzin štučny intelekt, akramia Gemini
-
«Absalutna niečakanyja i nievytłumačalnyja padziei adbyvajucca ciapier kala Ziamli». Vybuch soniečnaj płazmy pakazvaje rekordnuju chutkaść
Kamientary