Niezaležny naziralnik: Pratakolnyja vyniki hałasavańnia nie zaležać ad realnaha raskładu
U prysutnaści ambasadara Vialikabrytanii vybarčaja kamisija №63 Savieckaha rajona na zapyt naziralnika (moj) raskłała biuleteni asnoŭnaha dnia hałasavańnia pa stosach za kandydataŭ. Vizualna dva najbolšyja stosy vyhladali adnolkavymi (mahčyma, u pasła znojdziecca lepšaje fota?) nastolki, što i ciapier nie viedaju, jaki pieramahaŭ. (Tema asobnaj havorki — ahulnaja kolkaść vykarystanych biuleteniaŭ, ich vidavočna nie duža šmat.)
Staršynia kamisii admoviŭsia kazać, kamu stosy naležać, ale pavodle pratakolnaha (jon ža ałfavitny) paradku tam musili znachodzicca kandydaty K i Ł. Ale ŭ vynikovym pratakole prysutnyja pabačyli razhrom Karatkievič Łukašenkam u suadnosinach 11 da 1, a biez uliku daterminoŭki i vynasnych skryniaŭ navat 14:1 (tak, za Karatkievič byccam by prahałasavała daterminova bolš, čym u asnoŭny dzień).
Kali ž prypuścić, što druhi stos naležyć pratakolnamu 2-mu miescu «Suprać usich», a jaho aficyjny vynik za vylikam daterminovaha i hałasavańnia pa miescy žycharstva składaje 151 suprać 407 «Za stabilnaść», heta ŭsio roŭna vielmi daloka ad suadnosin na stale. Dziakuj spadaru ambasadaru za prykład zdarovaj nachabnaści — śledam za im i ja aśmieliŭsia rabić zdymki na telefon, i mnie ŭžo nie zmahli toje zabaranić (choć i namahalisia, zvyčajna).
Ciapier čytajuć
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»28
Kamientary