Alaksandr Łukašenka 12 kastryčnika padpisaŭ ukaz № 420 «Ab uniasieńni źmianieńniaŭ i dapaŭnieńniaŭ u dyrektyvu prezidenta Respubliki Biełaruś», paviedamiła pres-słužba kiraŭnika dziaržavy. U adpaviednaści z dakumientam pryniataja ŭ novaj redakcyi dyrektyva № 1 ad 11 sakavika 2004 hoda «Ab mierach pa ŭmacavańni hramadskaj biaśpieki i dyscypliny».
«Klučavoj asablivaściu novaj redakcyi dyrektyvy № 1 źjaŭlajecca vyraznaja ŭstanoŭka na farmiravańnie adzinych padychodaŭ i sistemnuju pracu pa zabieśpiačeńni hramadskaj biaśpieki i dyscypliny jak na terytaryjalnym, tak i viedamasnym uzroŭni, a taksama pryniaćcie dadatkovych mier pa źnižeńni hibieli i traŭmavańnia hramadzian ad źniešnich kiravanych pryčyn», — adznačyła pres-słužba.
U suviazi z hetym pašyrany pieralik kryteryjaŭ acenki vykanańnia dyrektyvy № 1. Adnymi ź ich prapanujecca ličyć zabieśpiačeńnie zdarovych i biaśpiečnych umoŭ pracy, pramysłovaj, pažarnaj, jadziernaj i radyjacyjnaj biaśpieki, biaśpieki ruchu i ekspłuatacyi transpartu, farmiravańnie «pravapasłuchmianych pavodzin», zdarovaha ładu žyćcia, navykaŭ pa zabieśpiačeńni asabistaj i majomasnaj biaśpieki hramadzian, u tym liku ŭ padparadkavanych (raźmieščanych na padviedamasnaj terytoryi) orhanach i arhanizacyjach.
Pa ŭsich hetych kirunkach pierad respublikanskimi orhanami dziaržaŭnaha kiravańnia, inšymi dziaržaŭnymi i hramadskimi arhanizacyjami, abłvykankamami i Minskim harvykankamam pastaŭleny dadatkovyja zadačy. Tak, zamacavany abaviazak dziaržaŭnych orhanaŭ pa raspracoŭcy i vykanańni na halinovym i terytaryjalnym uzroŭniach kompleksnych płanaŭ mierapryjemstvaŭ pa zabieśpiačeńni biaśpieki vytvorčaj dziejnaści i ažyćciaŭleńni manitorynhu ich realizacyi. Abłvykankamam i Minskamu harvykankamu da 1 studzienia 2016 hoda taksama daručana vypracavać i zabiaśpiečyć vykanańnie na padviedamasnaj terytoryi kompleksu mier pa ŭmacavańni vytvorča-technałahičnaj, vykanaŭčaj i pracoŭnaj dyscypliny, biaśpieki vytvorčaj dziejnaści. Vyniki hetaj pracy pavinny štohod razhladacca na pasiadžeńniach vykankamaŭ.
Praduhledžany šerah inšych miechanizmaŭ zabieśpiačeńnia zdarovych i biaśpiečnych umoŭ pracy, vytvorčaj i hramadskaj dyscypliny, farmiravańnia asnoŭ biaśpiečnych pavodzin hramadzian, źnižeńnia ałkahalizacyi nasielnictva. Pakazana rola ŭ hetaj dziejnaści miascovych Savietaŭ deputataŭ, prafiesijnych sajuzaŭ i inšych hramadskich arhanizacyj.
Akramia taho, prapisany miechanizm kantrolu i kaardynacyi dziejnaści pa vykanańni patrabavańniaŭ dyrektyvy № 1.
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»24
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi2
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2929
Kamientary