Na rasijskim zavodzie «Atammaš», jaki raźmieščany ŭ horadzie Vałhadonsku, 14 kastryčnika adhruzili korpus jadziernaha reaktara dla pieršaha enierhabłoka Astravieckaj AES.
Jak paviedamlaje RIAN, etap transparciroŭki zojmie 70 dzion. Spačatku korpus reaktara dastaviać na pryčał Cymlanskaha vadaschovišča ŭ Vałhadonsku. Adtul jon projdzie ŭvierch spačatku pa Vołha-Danskim kanale i Vołzie, a zatym Vołha-Bałtyjskim kanale, Aniežskim voziery, race Śvir, Ładažskim voziery, race Vołchaŭ da pryčała ŭ Vialikim Noŭharadzie. Zatym pa čyhuncy korpus reaktara dastaviać da placoŭki budaŭnictva Biełaruskaj AES.
Korpus reaktara važyć bolš za 330 t, jaho vyšynia 13 m, dyjamietr 4,5 m. Jon ujaŭlaje saboj viertykalny cylindryčny korpus z eliptyčnym dnom, usiaredzinie jakoha raźmiaščajecca aktyŭnaja zona i ŭnutrykorpusnyja pryłady. Taŭščynia ścienak reaktara składaje ad 200 da 400 mm.
Jak raniej paviedamlała BIEŁTA, hidraŭličnyja vyprabavańni reaktara byli paśpiachova zavieršanyja ŭ kancy vieraśnia.
Zhodna z hienieralnym kantraktam da mantažu jadziernaha reaktara płanujecca prystupić ŭ 2016 hodzie. Uźviadzieńnie pieršaha enierhabłoka pavinna zaviaršycca ŭ 2018 hodzie.
Hety korpus reaktara — pieršy, vyrableny «Atammašam» amal paśla 30-hadovaha pierapynku. U postsaviecki pieryjad zavod pieražyvaŭ ciažkija časy i ledź nie zakryŭsia. U 2012 hodzie «Atammaš» uvajšoŭ u skład mašynabudaŭničaha dyvizijona Rasatama, paśla čaho na zavodzie była zapuščanaja prahrama adnaŭleńnia vytvorčaści abstalavańnia AES.
Ciapier čytajuć
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom1
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1818
Kamientary