«Pakolki infarmacyja daŭno raspaŭsiudžanaja ab tym, što źbirajemsia na Kastryčnickaj, to, na žal, budzie dva miescy zboru. Ja asabista pryjdu na Kastryčnickuju płošču i zaprapanuju ludziam prajści praz centar Miensku da Akademii navuk, a potym planujem pachod jašče i na Banhałor. Na Akademii Navuk taksama źviarnusia da ludziej i raskažu ab tym, na čym budzie hruntavacca novy ruch, jakija jahonyja mety. Pahavorym ab sumnym čarnobylskim jubilei. Ja jašče raz padkreślivaju, što dla nas vielmi važnyja na hetym etapie mirnyja akcyi pratestu», -- zajaviŭ Milinkievič «Radyjo Svaboda».
Siońnia ŭ dzień 20-aj hadaviny avaryi na Čarnobylskaj atamnaj stancyi ŭ Miensku adbudziecca «Čarnobylski šlach». Sioleta «Čarnobylski šlach» projdzie pad devizam «Svaboda. Praŭda. Spraviadlivaść», jaki byŭ ahučany padčas vybarčaj kampanii kamandaj Alaksandra Milinkieviča. Arhanizatary akcyi miarkujuć, što jana budzie mieć i ekalahičny, i palityčny charaktar, bo avaryja na ČAES była nia tolki technahiennaj katastrofaj, ale i palityčnaj prablemaj, nastupstvy jakoj doŭhi čas zamoŭčvalisia.
Jak paviedamlaje «Radyjo Svaboda», arhanizatary sioletniaj akcyi ŭ časie padrychtoŭki sutyknulisia z šeraham prablemaŭ – ułady nie dazvolili pačać šeście z Kastryčnickaj płoščy, zabaranili ŭžyvać padčas akcyi niezarehistravanuju symboliku, a taksama papiaredzili kiraŭnikoŭ partyj pra mahčymyja aryšty, kali tyja źjaviacca na Kastryčnickaj płoščy.
Składanaści ŭ arhanizataraŭ «Čarnobylskaha šlachu» ŭźnikli ŭ suviazi ź pieranosam miesca zboru ŭdzielnikaŭ akcyi – z zajaŭlenaj Kastryčnickaj płoščy na vyznačanuju Mienharvykankamam placoŭku kala Akademii Navuk. Lider abjadnanych demakratyčnych siłaŭ Alaksandar Milinkievič pryjedzie na Kastryčnickuju płošču z tym, kab pieravieści ludziej da miesca dazvolenaha zboru.
«Pakolki infarmacyja daŭno raspaŭsiudžanaja ab tym, što źbirajemsia na Kastryčnickaj, to, na žal, budzie dva miescy zboru. Ja asabista pryjdu na Kastryčnickuju płošču i zaprapanuju ludziam prajści praz centar Miensku da Akademii navuk, a potym planujem pachod jašče i na Banhałor. Na Akademii Navuk taksama źviarnusia da ludziej i raskažu ab tym, na čym budzie hruntavacca novy ruch, jakija jahonyja mety. Pahavorym ab sumnym čarnobylskim jubilei. Ja jašče raz padkreślivaju, što dla nas vielmi važnyja na hetym etapie mirnyja akcyi pratestu», -- zajaviŭ Milinkievič «Radyjo Svaboda».
Kiraŭnik arhanizacyjnaha kamitetu «Čarnobylskaha šlachu» Viktar Ivaškievič paviedamiŭ Svabodzie, što napiaredadni ŭ haradzkim adździele milicyi jaho papiaredzili, što kali na Kastryčnickaj płoščy źjaviacca palityčnyja lidery, to ich mohuć aryštavać. U paniadziełak na palityčnaj radzie abjadnanych demakratyčnych siłaŭ było pryniataje rašeńnie, što kiraŭniki palityčnych partyj i kaalicyj pavinny pa mahčymaści pryjści na Kastryčnickuju płošču i, zarhanizavaŭšy tam ludziej, pavieści ich da Akademii Navuk.
«Milicyja maje ŭstanoŭku nie rabić «karcinku złačynnaha režymu». Na płoščy jany buduć paviedamlać ludziam, kab tyja razychodzilisia, išli na Akademiju navuk, i kali ludziej budzie mała, to ich buduć z płoščy vyciskać. Mahčyma, z samaha pačatku pastaviać ačapleńnie. Ale ŭ lubym vypadku, navat kali b ŭłady całkam zadavolili zajaŭku, to Kastryčnickaja płošča – tolki miesca zboru. Usio roŭna treba było b iści da Akademii Navuk. Dyk jany i pojduć».
Kamientary