Sustrečy sa šviedskaj dziciačaj piśmieńnicaj Jujaj Visłander u Minsku i Viciebsku — 28-30 kastryčnika

28-30 kastryčnika 2015 hoda Pasolstva Šviecyi pry padtrymcy Rady pa kultury Šviecyi ładzić u Minsku i Viciebsku cykł sustreč z vybitnaj dziciačaj piśmieńnicaj Jujaj Visłander, aŭtarkaj suśvietna viadomaj sieryi kazak pra Mamu Mu i Krumkača.

Pavialičyć

Padčas sustrečaŭ šviedskaja piśmieńnica paznajomić maleńkich čytačoŭ z novaj knižkaj «Mama Mu ŭ basiejnie», jakaja pabačyła śviet pa-biełarusku dziakujučy supolnym namahańniam pierakładčycy Nadziei Kandrusievič i vydaviectva «Łohvinaŭ». Padarunkam dla dzietak stanie taksama vystup lalečnaha teatryka «Lamcavaja batlejka», jaki prapanuje svaju viersiju novaj knižki pra pryhody niezvyčajnaj karoŭki i jaje viasiołaha siabra krumkača. Zavieršyć mierapryjemstva nievialički majstar-kłas, na jakim dzietki sami zrobiać suvienirčyk na pamiać pra cikavaje znajomstva. Sustrečy adkryje Pasoł Šviecyi ŭ Respublicy Biełaruś Marcin Obierh, a naprykancy kožny, chto pažadaje, zmoža ŭziać aŭtohraf u Jui Visłander i sfatahrafavacca ź jaje cudoŭnymi piersanažami.

Raskład mierapryjemstvaŭ:

• 28 kastryčnika ŭ 11.30 – Sustreča Jui Visłander z čytačami, vystup «Lamcavaj batlejki» ŭ Minskaj abłasnoj biblijatecy imia A.S. Puškina (vuł. Hikała, 4). Uvachod volny
• 28 kastryčnika ŭ 17.00 – sustreča sa studentami Centra šviedskich daśledavańniaŭ (vuł. Internacyjanalnaja, 11a, ofis 27)
• 30 kastryčnika ŭ 16.00 – Kruhły stoł «Pierśpiektyvy raźvićcia dziciačaj litaratury ŭ Biełarusi» ŭ kniharni «Łohvinaŭ» (pr-t Niezaležnaści, 37a)
• 30 kastryčnika ŭ 18.00 — Sustreča Jui Visłander z čytačami, vystup «Lamcavaj batlejki» ŭ Halerei sučasnaha mastactva «Ŭ» (pr-t Niezaležnaści, 37a). Uvachod volny

Viciebsk

• 29 kastryčnika ŭ 15.00 – Sustreča Jui Visłander z čytačami, vystup «Lamcavaj batlejki» ŭ Viciebskim dziciačym domie (vuł. Śvidzinskaha, 9)
• 29 kastryčnika ŭ 17.30 — Sustreča Jui Visłander z čytačami, vystup «Lamcavaj batlejki» ŭ Bitłz-kłubie «Paddašak» (vuł. Kastryčnickaja, 11). Uvachod volny

Juja Visłander — viadomaja šviedskaja dziciačaja piśmieńnica, siabra Šviedskaj dziciačaj akademii. Jaje knihi pra Mamu Mu i Krumkača byli pierakładzienyja bolš čym na 30 movaŭ śvietu. U 2012 hodzie vydaviectva «Mastackaja litaratura» raspačała drukavać pa-biełarusku sieryju knih pra Mamu Mu. Pieršaj vyjšła kniha «Mama Mu čytaje»,a ŭ 2013-2014 hadach śviet pabačyli jašče try jaje knižki: «Mama Mu prybiraje», «Mama Mu buduje damok» i «Mama Mu, Krumkač i Kalady». Ciapier u vydaviectvie «Łohvinaŭ» rychtujecca da vychadu piataja kniha «Mama Mu ŭ basiejnie», jakaja musić źjavicca da pryjezdu Jui Visłander u Biełaruś. Darečy, biełaruskija čytačy ŭžo raniej mieli mahčymaść paznajomicca z knihami šviedskaj piśmieńnicy «Mały i miadźviedzik» i «Mały i Biłan» pa-biełarusku.

• 0
• 0
• 0
• 0
• 0
• 0
• 0
• 0