Biełarusy dla naviedvańnia Kambodžy mohuć adkryć elektronnuju vizu
Pry hetym mahčymaść adkryć vizu ŭ pasolstvach, konsulskich ustanovach abo na hranicy krainy zachoŭvajecca, paviedamili ŭ departamiencie pa turyźmie Minsportu i turyzmu sa spasyłkaj na infarmacyju MZS Biełarusi.
Dla afarmleńnia elektronnaj vizy spatrebicca zapoŭnienaja elektronnaja ankieta i ličbavaje fota. Pašpart pavinien być sapraŭdnym nie mienš jak 6 miesiacaŭ paśla ŭjezdu, pry pierasiačeńni hranicy mohuć być zapytany bilety dla vyjezdu z Kambodžy. Elektronnaja viza sapraŭdna 3 miesiacy, u krainie možna budzie znachodzicca 30 dzion. Košt — $30 (dzieciam mienšym za 12 hadoŭ - biaspłatna) plus $7 za apracoŭku dakumientaŭ, apłačvajecca praz sajt (mahčymy bankaŭskija kamisii). Aformić elektronnuju vizu abiacajuć za try rabočyja dni, jaje možna vykarystoŭvać dla ŭjezdu praź luby mižnarodny aeraport i niekatoryja naziemnyja pahranpierachody.
Pry atrymańni vizy na hranicy treba mieć z saboj zapoŭnienuju vizavuju ankietu, fota pašpartnaha pamieru, pašpart, jaki sapraŭdny na praciahu 6 miesiacaŭ i maje staronku dla ŭklejvańnia vizy. Mohuć być zapytany bilety dla vyjezdu z Kambodžy. Adnarazovaja turystyčnaja viza budzie kaštavać $30 (dzieciam mienšym za 12 hadoŭ — biaspłatna), apłačvajecca tolki ŭ dołarach. Pry afarmleńni vizy na hranicy mahčyma doŭhaje čakańnie ŭ čarzie.
Kambodža pryvablivaje turystaŭ, jakija addajuć pieravahu ekskursijnamu, aktyŭnamu adpačynku, dajvinhu i snorklinhu (vid padvodnaha płavańnia), a taksama kambinavanym turam. U pryvatnaści, turapieratary prapanujuć tury Vjetnam — Kambodža, Tajłand — Łaos — Kambodža i inšyja. Košt turaŭ u Kambodžu pavialičvajecca ŭ «vysoki» siezon — ź vieraśnia pa sakavik. Pakul turyzm u Kambodžy znachodzicca ŭ stadyi raźvićcia, kraina pryvablivaje cenami na charčavańnie, pražyvańnie i tranśfiery.
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?8
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3131
Kamientary