Kitajski juań uklučany ŭ košyk reziervovych valut Mižnarodnaha valutnaha fondu, paviedamiła dyrektar-rasparadčyk arhanizacyi Kryścin Łahard.
Rašeńnie MVF ustupić u siłu 1 kastryčnika 2016 hoda. KNR, jakaja źjaŭlajecca druhoj ekanomikaj u śviecie paśla ZŠA, źviarnułasia z zapytam u MVF nadać nacyjanalnaj valucie krainy status reziervovaj jašče letaś.
«Rašeńnie savieta dyrektaraŭ uklučyć juań u košyk reziervovych valut — važny krok u intehracyi kitajskaj ekanomiki ŭ hłabalnuju finansavuju sistemu. Heta taksama znak pryznańnia taho prahresu, jakoha kitajskija ŭłady damahlisia za apošnija hady ŭ refarmavańni valutnaj i finansavaj sistem Kitaja», — skazała Łahard.
Analityki nazyvajuć rašeńnie MVF simvaličnym, pakolki juań faktyčna ŭžo vykarystoŭvajecca ŭ raźlikach pa ŭsim śviecie i źjaŭlajecca «svabodna vykarystoŭvanaj valutaj». U jakaści raźlikovaj valuty juań padniaŭsia z 35-ha miesca ŭ kastryčniku 2010 hoda na 5-je ŭ 2015 hodzie. A ŭ Azijacka-Cichaakijanskim rehijonie juań staŭ samaj papularnaj pry raźlikach valutaj.
Ciapier reziervovymi valutami źjaŭlajucca: dalar, jeŭra, brytanski funt sterlinhaŭ i japonskaja jena.
U 2010 hodzie, kali ŭ apošni raz pierahladaŭsia košyk reziervovych valut, MVF admoviŭ Kitaju va ŭklučeńni juania ŭ hety śpis, patłumačyŭšy heta tym, što kitajskaja valuta na toj momant nie adpaviadała patrabavańniu ab svabodnym vykarystańni.
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna8
Kamientary