Fiederalnaja słužba pa vieterynarnym i fitasanitarnym nahladzie (Raśsielhasnahlad) vymušanaja pryniać dadatkovyja achoŭnyja miery pa ŭzmacnieńni karancinnaha fitasanitarnaha kantrolu padkarancinnaj pradukcyi, što pastupaje ŭ Rasiju cieraź Biełaruś. Infarmacyju pra heta Raśsielhasnahlad raźmiaściŭ na svaim sajcie.
Jak rastłumačyli ŭ pres-słužbie rasijskaha viedamstva, Rasija nie prapuścić ź Biełarusi ŭsiu sumnieŭnuju pradukcyju. «Usie, što vyklikaje ŭ nas sumnieńnie, nie budzie dapuščanaje na terytoryju Rasii», — skazała pres-sakratar Raśsielhasnahlada Julija Miełana.
Jak havorycca ŭ paviedamleńni viedamstva, «biełaruski bok prainfarmavany ab tym, što padkarancinnaja pradukcyja, jakaja supravadžajecca fitasanitarnymi siertyfikatami, što vyklikajuć sumnieńnie ŭ sapraŭdnaści, a taksama pa marfałahičnych i siezonnych prykmietach nie adpaviadaje krainie pachodžańnia, nie padlahaje da ŭvozu ŭ Rasijskuju Fiederacyju».
U rasijskim viedamstvie zajaŭlajuć, što ŭ Rasiju ź Biełarusi pa padroblenych fitasanitarnych siertyfikatach usio čaściej pastupaje pradukcyja, jakaja traplaje pad charčovaje embarha.
«Kali my budziem brać niadobrasumlennych pastaŭščykoŭ ź Jeŭrasajuza, to jany biaruć svaju pradukcyju, da prykładu jabłyki, štampujuć dzieści padpolna na ich siertyfikaty i kažuć ab tym, što heta da vas jabłyki pastupajuć z terytoryi Łacinskaj Amieryki. Pryčym u ich tam jašče nie pačaŭsia siezon. Dalej hetaja partyja nakiroŭvajecca na terytoryju Biełarusi, dzie praviarajucca dakumienty. I zamiest taho kab prytarmazić hety hruz i zadać pytańnie pastaŭščyku, jany prosta prapuskajuć jaho na terytoryju Rasii. Voś takim čynam u asnoŭnym pracuje hety miechanizm», — rastłumačyła Miełana.
Dla praduchileńnia takich situacyj rasijskaje viedamstva, paviedamlaje sajt Raśsielhasnahlada, nieadnarazova prapanoŭvała biełaruskamu boku sadziejničać u aŭtaryzacyi fitasanitarnych siertyfikataŭ i reekspartnych fitasanitarnych siertyfikataŭ, jakija «vyklikajuć sumnieńni ŭ sapraŭdnaści», na pradukcyju, što pastupaje ŭ Rasiju cieraź Biełaruś. Akramia taho, Raśsielhasnahlad prapanoŭvaŭ kamandziravać rasijskich i biełaruskich śpiecyjalistaŭ u trecija krainy dla paćviardžeńnia dakładnaści i aktualnaści źviestak ab padkarancinnaj pradukcyi, jakaja ekspartujecca.
«Ale adekvatnaj reakcyi ź biełaruskaha boku nie pastupaje, tamu zaraz na našych časovych pastach, jakija pracujuć na miažy ź Biełaruśsiu, chutčej za ŭsio, budziem prymać samyja žorstkija miery. Heta značyć budziem pavaročvać mašyny z praduktami nazad na terytoryju Biełarusi», — rastłumačyła pres-sakratar Raśsielhasnahlada.
Hałoŭnaja dziaržaŭnaja inśpiekcyja pa nasieńniavodstvie, karancinie i achovie raślin Biełarusi pakul nie atrymlivała aficyjnych paviedamleńniaŭ Raśsielhasnahlada nakont hetaha. «Aficyjna pakul ničoha nie było. Siońnia ministr sielskaj haspadarki i namieśnik dyrektara našaj inśpiekcyi znachodziacca ź vizitam u Rasii. Davajcie pačakajem ich viartańnia», — skazali ŭ viedamstvie.
Ciapier čytajuć
Maŭrykij, Siejšeły, Šry-Łanka i nie tolki: pahladzieli, kudy źbiehli ad biełaruskich marazoŭ praŭładnyja artysty i viadučyja13
Kamientary