Hulca ŭ internet-pokier abaviazali vypłacić amal 40 młn rubloŭ padatkaŭ
Žychar stalicy ŭ 2013—2014 hadach atrymlivaŭ hrošy ad zamiežnaj kampanii z-za miežaŭ Biełarusi ŭ vyhladzie vyjhryšaŭ u internet-pokier. Dachody pastupali na jaho elektronny kašalok, paviedamlaje pres-centr inśpiekcyi MPZ pa horadzie Minsku.
Inśpiekcyja MPZ pa Maskoŭskim rajonie stalicy ŭstanaviła, što ŭ hety padatkovy pieryjad ščaśliŭčyk pražyvaŭ na terytoryi krainy bolš za 183 dni i źjaŭlaŭsia jaje rezidentam. «Padatkovyja dekłaracyi (raźliki) pa padachodnym padatku ź fizičnych asob za 2013—2014 hady i dakumienty dla vyzvaleńnia ad vypłaty padachodnaha padatku ź fizičnych asob hety hramadzianin u inśpiekcyju nie pradstaviŭ», — udakładniajuć ŭ pres-centry.
Pa vynikach pravierki hulcu z dachodaŭ, atrymanych z-za miažy, pradjaŭlena da vypłaty 38,8 miljona rubloŭ, u tym liku 32,6 miljona padachodnaha padatku i 6,2 miljona pieni za niesvoječasovuju vypłatu padachodnaha padatku.
Vychodzić, što amatar ryzyki vyjhraŭ za 2 hady kala 271,6 miljona rubloŭ (pa siarednim kursie 2013—2014 hadoŭ heta prykładna 28 tysiač dalaraŭ).
Akramia taho, za parušeńnie terminaŭ pradstaŭleńnia padatkovaj dekłaracyi i niavypłatu padachodnaha padatku hramadzianin pryciahnuty da administracyjnaj adkaznaści z nakładańniem štrafu ŭ pamiery 3,3 miljona rubloŭ.
Nahadajem, što biełarusy vyjhravali ŭ pokier i bolš bujnyja sumy. Tak Natan Čauskin zarabiŭ 150 tysiač jeŭra, a Mikałaj Pobal — miljon.
Kamientary