Imparcior Audi u Biełarusi maje namier prapanavać rasijski ŭzrovień cen na aŭtamabili, paviedamiŭ 15 śniežnia na sustrečy z žurnalistami ŭ Minsku Uładzisłaŭ Turkin, hienieralny dyrektar SP «Aŭtasałon-AV», jakoje źjaŭlajecca imparcioram Audi.
Jak adznačyŭ Turkin, z pačatku 2015 hoda pradpryjemstva pradało 425 aŭtamabilaŭ Audi, «što dla premium-siehmienta ŭ cełym niadrenna». Letaś było realizavana 572 aŭtamabili. Adna z hałoŭnych pryčyn padzieńnia prodažu — uvoz aŭtamabilaŭ z Rasii, abumoŭleny devalvacyjaj rasijskaha rubla.
Imparcior Audi u Biełarusi raźličvaje najbližejšym časam źmianić cenavuju situacyju. «Naš klijent z-za abjektyŭnych pryčyn sychodziŭ u Rasiju. U suviazi z hetym my vielmi doŭha dakazvali našamu kancernu nieabchodnaść pryviazki da rasijskich cen, i my ŭsio ž dastukalisia da kancerna», — skazaŭ Turkin.
Pavodle jaho słoŭ, adnym z hałoŭnych arhumientaŭ stała budaŭnictva novaha aŭtacentra Audi na praśpiekcie Niezaležnaści ŭ Minsku, jaki pačaŭ pracu viasnoj hetaha hoda i poŭnaściu adpaviadaje ŭsim patrabavańniam niamieckaha kancerna. «U tym liku zychodziačy z hetaha ŭ kancernie pajšli nam nasustrač i zrabili pieraraźlik cen dla nas u pryviazcy da kursu rasijskaha rubla. Z novaha hoda ŭ nas pačynajucca novyja kantrakty, i ceny praktyčna zraŭnujucca z rasijskimi», — udakładniŭ kiraŭnik SP.
Imparcior Audi taksama abviaściŭ pra start prodažu ŭ Biełarusi novaha pakaleńnia madeli Audi A4. Aŭtamabil užo prapanavany ŭ Minsku, ceny na novuju madel pačynajucca ad 23.980 jeŭra.
«Aŭdzi Centr Minsk» — pieršy ŭ Biełarusi aficyjny dylerski centr Audi, pabudavany pavodle novaj firmiennaj kancepcyi «Audi Terminał». Interjer dylerskaha centra taksama poŭnaściu vykanany zhodna z novaj kancepcyjaj Audi. Ahulnaja płošča aŭtacentra — 5.800 kv. m, płošča šou-ruma — 1.580 kv. m na dvuch pavierchach.
Ciapier čytajuć
«Pajšli nach*j vy i vaš «Baćka», pi***asy!» Pjanyja pryhody zrabili armianina Jarvanda palitviaźniem. Ciapier jon zmahajecca z prablemami ŭ Polščy5
Kamientary