16 śniežnia ŭ sudzie Zavodskaha rajona Minska abvieščany prysud pa spravie byłoha vykładčyka adnaho sa staličnych kaledžaŭ, jaki abvinavačvajecca ŭ atrymańni chabaru.
Jak paviedamili ŭ sudzie, piedahoh prysudžany da čatyroch hadoŭ pazbaŭleńnia voli z adbyvańniem pakarańnia ŭ papraŭčaj kałonii va ŭmovach uzmocnienaha režymu z kanfiskacyjaj majomaści i pazbaŭleńniem na piać hadoŭ prava zajmać pasady arhanizacyjna-administracyjnaha charaktaru.
Nahadajem, pavodle źviestak śledstva, 27-hadovy vykładčyk śpiecyjalnych dyscyplin na praciahu paŭtara hoda vykarystoŭvaŭ słužbovaje stanovišča ŭ karyślivych metach — vymahaŭ u navučencaŭ hrošy za stanoŭčyja adznaki pry zdačy ekzamienaŭ i za łabaratorna-praktyčnyja zaniatki.
Materyjały śledstva śviedčyli ab tym, što bolš jak dziesiać navučencaŭ na rehularnaj asnovie pieradavali abvinavačanamu niezakonnaje ŭznaharodžańnie ŭ rublach i valucie. Pamiery chabaru składali ad 150 tys. rubloŭ da 100 dalaraŭ ZŠA, u zaležnaści ad składanaści materyjału, što vykładaŭsia, naviedvańnia zaniatkaŭ i kolkaści acenačnych bałaŭ. U červieni hetaha hoda supracoŭniki milicyi zatrymali vykładčyka z dokazami złačynstva pry atrymańni chabaru ad hrupy navučencaŭ u pamiery bolš jak 3,8 młn rubloŭ.
Słužbovaja asoba abvinavačvałasia va ŭčynieńni złačynstva, praduhledžanaha č. 2 art. 430 KK (atrymańnie chabaru paŭtorna šlacham vymahalnictva). Nakładzieny aryšt na majomaść byłoha vykładčyka.
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?20
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci44
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci4
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary