Ministerstva pryrodnych resursaŭ i achovy vakolnaha asiarodździa zaniepakojena ŭsio macniejšaj tendencyjaj da niesankcyjanavanaha spalvańnia vytvorčaha śmiećcia biełaruskich pradpryjemstvaŭ u krematoryjach.
Ministerstva pryrodnych resursaŭ i achovy vakolnaha asiarodździa zaniepakojena ŭsio macniejšaj tendencyjaj da niesankcyjanavanaha spalvańnia vytvorčaha śmiećcia biełaruskich pradpryjemstvaŭ u krematoryjach. Pavodle źviestak Minpryrody, časta spalvajecca navat nie zvyčajnaje śmiećcie. a niebiaśpiečnyja adchody vytvorčaści, jakija čyniać ekalohii krainy istotnuju škodu.
Ź lutaha ŭ Biełarusi dziejničaje novy zakon «Pra abychodžańnie z adchodami», jaki istotna ŭzmacniŭ vymohi da ŭtylizacyi adchodaŭ vytvorčaści. Heta było zroblena dla taho, kab biełaruskija pradpryjestvy pačali budavać pierapracoŭčyja vytvorčaści dla śmiećcia. Adnačasova z hetym da administracyj palihonaŭ stali prymianiacca ekalahičnyja štrafnyja sankcyi za sproby pryładzić u siabie nie adpaviednaje normam śmiećcie pryjacielskich kamercyjnych kampanij. Ale vynik takoha zakručvańnia ekalahičnych hajek akazaŭsia krychu inšym, čym čakałasia.
Valer Kuryłaŭ, dyrektar Centru mižnarodnych ekalahičnych prajektaŭ, sertyfikacyi, aŭdytu «Ekalohijainvest» Ministerstva pryrodnych resursaŭ i achovy vakolnaha asiarodździa, vykazaŭ zaniepakojenaść tym, što ŭ ministerstva stali ŭsio čaściej prychodzić źviestki pra toje, što pradpryjemstvy dla vyrašeńnia prablemy ŭtylizacyi svaich adchodaŭ źviartajucca da pasłuh krematoryjaŭ. Bałazie ciapier krematoryi za svaju pracu biaruć tańniej, čym specyjalizavanyja palihony pa zachavańni niebiaśpiečnych adchodaŭ.
Śpiarša Minpryrody na novuju praktyku hladzieła skroź palcy, bo vyraznych zabaron na hetkuju ŭtylizacyju adchodaŭ u krainie niama. Ale niadaŭna nahladčyja orhanizacyi atrymali infarmacyju pra toje, što ŭ krematoryjach pačali spalvać adchody 2‑j klasy niebiaśpieki. A heta ŭžo surjozna, bo pavodle narmatyvaŭ temperatura kremacyi niedaciahvaje da temperatury, nieabchodnaj dla biaśpiečnaj utylizacyi niebiaśpiečnaha śmiećcia takoha kštałtu. Minpryrody rychtujecca da pravierak nia tolki samich krematoryjaŭ, ale i tych arhanizacyj. jakija karystajucca ich pasłuhami.
Jak raskazaŭ «Ježiednievniku» Valer Kuryłaŭ, na biełaruskich pradpryjemstvach vielmi słaba idzie praca pa ŭviadzieńni novych technalohij pa pierapracoŭcy adchodaŭ. Jak pakazvajuć pravierki, biznes uvažaje za lepšaje pa‑daŭniejšamu znachodzić samyja ekzatyčnyja šlachi pazbaŭleńnia ad adchodaŭ vytvorčaści. I hetaj praktycy Minpryrody źbirajecca ŭ samy najbližejšy čas pakłaści kaniec.
Ciapier čytajuć
Jak u halečy śpivałasia radnia Łukašenki? Małaviadomyja fakty48
Kamientary