Biełaruś da 2020 hoda płanuje značna źnizić zaležnaść ad tradycyjnych rynkaŭ zbytu. Heta vynikaje z abnoŭlenaj dyrektyvy numar 3 «Ab pryjarytetnych napramkach umacavańnia ekanamičnaj biaśpieki dziaržavy», jakaja zaćvierdžana ŭkazam numar 26 ad 26 studzienia 2016 hoda.
Dakumientam praduhledžana zabieśpiačeńnie płanamiernaj dyviersifikacyi ekspartu dla dasiahnieńnia roŭnaha raźmierkavańnia ekspartnych pastavak pamiž tryma rynkami: Jeŭrazijskaha ekanamičnaha sajuza, Jeŭrapiejskaha sajuza i inšych krain, u tym liku «dalokaj duhi», jakoje da 2020 hoda pavinna skłaści suadnosiny treć — treć — treć. «Heta daść mahčymaść zbałansavać źniešni handal Biełarusi, asvoić novyja rynki zbytu i zamacavacca na ich, skaracić ryzyku zaležnaści ekanamičnaha rostu Biełarusi ad rostu asobnych krain — handlovych partnioraŭ», — havorycca ŭ dyrektyvie.
Z hetaj metaj respublikanskim orhanam dziaržaŭnaha kiravańnia i inšym dziaržaŭnym arhanizacyjam, padparadkavanym uradu, abłvykankamam, Minskamu harvykankamu pry ahulnaj kaardynacyi Ministerstva zamiežnych spraŭ, dadzieny šerah daručeńniaŭ.
U pryvatnaści, daručana ažyćciaŭlać pošuk i ŭkaranieńnie novych form i mietadaŭ pašyreńnia biełaruskich tavaraŭ, rabot i pasłuh na tradycyjnych i novych rynkach zbytu, sadziejničać zachavańniu tendencyi pavieličeńnia ekspartu pasłuh, akazvajučy ich eksparcioram u vypadku nieabchodnaści adpaviednyja miery dziaržaŭnaj padtrymki, raźvivać dylerskija adnosiny z «naboram» markietynhavych instrumientaŭ, siertyfikacyjaj, dadatkovymi pasłuhami, kali pasrednik viedaje śpiecyfiku miascovaha rynku i biare na siabie častku vydatkaŭ na parytetnych pačatkach.
Dziaržaŭnym orhanam i arhanizacyjam nieabchodna pašyrać mižnarodnuju kaapieracyju šlacham stvareńnia doŭhaterminovych aljansaŭ roznaha typu (sumiesnyja vytvorčaści za miežami Biełarusi, frančajzinhavyja, licenzijnyja i lizinhavyja pahadnieńni i inšaje) u metach asvajeńnia pieradavych technałohij, vypusku novych tavaraŭ i supravadžeńnia ich realizacyi adpaviednymi pasłuhami.
Daručana taksama zachoŭvać dolu na rynku Rasii pa pastaŭkach biełaruskaj pradukcyi, pry prodažy jakoj dasiahajecca maksimalnaja ekanamičnaja efiektyŭnaść.
Siarod pryjarytetaŭ taksama arhanizacyja supracoŭnictva viadučych biełaruskich vytvorcaŭ z profilnymi transnacyjanalnymi karparacyjami ŭ metach pryciahnieńnia pramych zamiežnych inviestycyj, jakija zabiaśpiečvajuć mahčymaść vykarystańnia sučasnych technałohij, abstalavańnia, patentaŭ na vytvorčaść najnoŭšych vidaŭ pradukcyi, atrymańnia dostupu da tavarapravodnaj sietki transnacyjanalnych karparacyj.
U adpaviednaści z danymi na sajcie Nacyjanalnaha statystyčnaha kamiteta, z ahulnaha abjomu ekspartu respubliki ŭ studzieni-listapadzie 2015 hoda na dolu Rasii prypadała 38,9 pracenta (u studzieni-listapadzie 2014-ha — 42,3 pracenta), krain SND (biez Rasii) — 13,7 pracenta (16,5 pracenta), krain ES — 32,1 pracenta (29,4 pracenta), astatnich krain — 15,3 pracenta (11,8 pracenta).
Ciapier čytajuć
U Polščy aryštavali byłoha kiraŭnika biełaruskaha «Paspalitaha rušeńnia» — pahražaje 10 hod za narkotyki22
Kamientary