Aryšt z majomaści Alesia Bialackaha źniaty, bo byŭ nakładzieny «pamyłkova»

28 studzienia pravaabaronca atrymaŭ adkaz z adździeła prymusovaha vykanańnia Partyzanskaha rajona h. Minska, kudy abskardžvaŭ pastanovu pra nakładańnia aryštu na dolu ŭ kvatery, dzie jon pražyvaje ź siamjoj.

Pastanovu ab raspačaćci vykanaŭčaj spravy ad 21 śniežnia 2015 hoda i pastanovu ab nakładańni aryštu na 18/100 doli kvatery ad 4 studzienia 2016 hoda, vyniesienyja zahadčykam siektara №2 adździeła prymusovaha vykanańnia Michaiłam Hastełam, Aleś Bialacki abskardziŭ na imia načalnika adździeła.

Razhledzieŭšy skarhu, Ludmiła Kabyčkina 25 studzienia pastanaviła:

«U skarzie Bialackamu Alaksandru Viktaraviču na pastanovu zahadčyka siektaram №2 Hasteły Michaiła Michajłaviča ab uzbudžeńni vykanaŭčaj vytvorčaści ad 21.12.2015 ab abaračeńni ŭ košt kanfiskacyi majomaści 18/100 doli na pravie ŭłasnaści na kvateru i na pastanovu ad 04.01.2016 ab nakładańni aryštu na ŭkazanuju majomaść admović, u suviazi z tym, što adpali padstavy dla zadavalnieńnia ci admovy ŭ zadavalnieńni patrabavańniaŭ, jakija ŭtrymlivalisia ŭ skarzie Bialackaha A.V.»

U pieršaj častcy pastanovy Ludmiła Kabyčkina tłumačyć, jakim čynam «adpali padstavy». Z hetaha tłumačeńnia vynikaje, što sud Pieršamajskaha rajona horada Minska (hety sud 24 listapada 2011 hoda asudziŭ Alesia Bialackaha da pazbaŭleńnia voli z kanfiskacyjaj majomaści), adklikaŭ vyniesieny im vykanaŭčy list z adździeła prymusovaha vykanańnia Partyzanskaha rajona horada Minska ŭ suviazi z «pamyłkovym nakiravańniem dadzienaha vykanaŭčaha lista». Na padstavie hetaha, adździeł prymusovaha vykanańnia Partyzanskaha rajona adklikaŭ pastanovu ab nakładańni aryštu na majomaść Alesia Bialackaha i 22 studzienia vynies pastanovu pra zaviaršeńnie vykanaŭčaj vytvorčaści.

Takim čynam, aryšt z 18/100 doli kvatery, u jakoj Aleś Bialacki pražyvaje ź siamjoj, źniaty.

Nahadajem, što, zhodna z prysudam suda Pieršamajskaha rajona h. Minska, 24 listapada 2011 hoda staršynia Pravaabarončaha centru «Viasna» Aleś Bialacki byŭ asudžany da 4 hadoŭ i 6 miesiacaŭ pazbaŭleńnia voli z kanfiskacyjaj majomaści, jakaja naležała jamu na pravie ŭłasnaści – u tym liku kvatery, u jakoj znachodziŭsia ofis Pravaabarončaha centru «Viasna». U vyniku abskardžańniaŭ rašeńniaŭ ab kanfiskavanaj majomaści, pavodle rašeńnia suda Partyzanskaha rajona h. Minska ad 4 lipienia 2012 hoda, dola ŭ kvatery, dzie pravaabaronca pražyvaŭ ź siamjoj, była vyzvalenaja z-pad aryštu.

• 0
• 0
• 0
• 0
• 0
• 0
• 0
• 0