Staršynia rasijskaj partyi «Parnas» Michaił Kaśjanaŭ i jaho namieśnik Uładzimir Kara-Murza-małodšy padali zajavu ŭ FSB z prośbaj raspačać kryminalnuju spravu ŭ dačynieńni da kiraŭnika Čačni Ramzana Kadyrava.
Advakat palitykaŭ Vadzim Procharaŭ zajaviŭ, što ŭ sieradu dniom padaść anałahičnuju zajavu ŭ Śledčy kamitet Rasii.
«My patrabujem raspačać adnosna Kadyrava spravu pa troch artykułach Kryminalnaha kodeksa: 277 («Zamach na žyćcio dziaržaŭnaha abo hramadskaha dziejača»), 280 i 282, heta antyekstremisckija artykuły kodeksa», — zajaviŭ advakat.
Pryčynaj zvarotu stała videa, raźmieščanaje ŭ paniadziełak u instahramie Kadyrava. Na im — Kaśjanaŭ i Kara-Murza, a na samu vyjavu nakładzieny filtr z aptyčnym prycełam. «Kaśjanaŭ pryjechaŭ u Strasburh za hrašyma dla rasijskaj apazicyi. Chto nie zrazumieŭ, toj zrazumieje», — havorycca ŭ podpisy da rolika.
«Instahram» vydaliŭ videa za parušeńnie praviłaŭ servisu.
Kaśjanaŭ, Kara-Murza i inšyja palityki rascanili heta videa jak pahrozu zabojstva. Pres-sakratar prezidenta Dźmitryj Piaskoŭ zajaviŭ, što ŭ Kramli nie sočać za instahramam Kadyrava.
U apošnija niekalki tydniaŭ kiraŭnik Čačni zrabiŭ šerah davoli radykalnych zajaŭ. U pryvatnaści, jon nazvaŭ pradstaŭnikoŭ rasijskaj niesistemnaj apazicyi vorahami naroda i zaklikaŭ sudzić ich za «padryŭnuju dziejnaść».
Paźniej Kadyraŭ zajaviŭ, što apazicyjaniery majuć patrebu ŭ psichijatryčnym lačeńni. Dźmitryj Piaskoŭ zaklikaŭ nie nahniatać situacyju vakoł zajaŭ kiraŭnika Čačni.
Minsk siońnia viečaram pahruziŭsia ŭ ciemru. Paśla zahadu Łukašenki51
Minsk siońnia viečaram pahruziŭsia ŭ ciemru. Paśla zahadu Łukašenki
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary