U Minsku pačała pracu biudžetnaja viersija taksi Uber — Uber X
Siońnia aficyjny sajt Uber paviedamiŭ pra toje, što ź siońniašniaha dnia kampanija zapuskaje UberX — biudžetny pradukt Uber z aŭtamabilami kamfort-kłasa, takimi jak Skoda Rapid, Kia Rio, Volkswagen Polo, Hyundai Solaris, małodšymi za 5 hadoŭ.
Karystalnikam ŭ Minsku buduć prapanavanyja nastupnyja taryfy na UberX: 27 000 rubloŭ za padaču, 5 700 rubloŭ za kiłamietr i 600 rubloŭ za chvilinu. Tak, košt pajezdki ad čyhunačnaha vakzała da parku Horkaha składzie 48 635—55 847 rubloŭ, ad mietro Niamiha da Minsk-Areny — 70 369—84 700 rubloŭ, a ad rajona vuł. Kastryčnickaj da rajona pł. Svabody — 45 153— 51 144 rubli.
Košt pajezdki ŭ Nacyjanalny aeraport «Minsk» ź luboj kropki horada, jak i košt zvarotnaj darohi, budzie fiksavanym i składzie 350 000 rubloŭ.
***
Uber — mižnarodnaja kampanija z San-Francyska, jakaja stvaryła adnajmiennuju mabilnuju aplikacyju dla pošuku, vykliku i apłaty taksi abo pryvatnych kiroŭcaŭ. Z dapamohaj aplikacyi Uber zakazčyk reziervuje mašynu z kiroŭcam i adsočvaje jaje pierasoŭvańnie da pakazanaj kropki, apłata robicca z dapamohaj dadzienych bankaŭskaj karty.
Dziejnaść servisu vyklikała kanfliktnyja situacyi i pratesty ŭ mnostvie krain, uklučajučy Francyju, Hiermaniju, Italiju, Niderłandy. U niekatorych krainach kampanija Uber atrymlivała štrafy, u inšych zabaranialisia niekatoryja abo ŭsie jaje pasłuhi. Prablema źviazanaja ź nieadpaviednaściu praviłaŭ servisu zakanadaŭstvu ŭ šerahu jeŭrapiejskich krain (čaściej za ŭsio, adsutnaść licenzij na pradastaŭleńnie pasłuh voźnictva), a taksama zanižanyja taryfy.
Kamientary