U kastryčniku 2015 hoda ŭ sacsietcy «VKontaktie» źjaviŭsia zdymak kadetaŭ Bresckaj abłasnoj kadeckaj vučelni ŭ Jastrambieli pad Baranavičami: chłopcy apranuli na siabie majki z Pahoniaj i sfatahrafavalisia. Chłopcaŭ źbiralisia adličyć z vučelni, ale rozhałas u ŚMI i sacyjalnaja kampanija pieraškodzili hetamu. (Hł. Nastaŭniki Jastrambielskaj vučelni: Kadety sfatahrafavalisia ŭ majkach «z fašysckaj simvolikaj»)
Adnak adzin z udzielnikaŭ toj akcyi, jak vyśvietliłasia, usio ž zabraŭ dakumienty z Bresckaj abłasnoj kadeckaj vučelni ŭ Jastrambieli.
«Ja syšoŭ z vučylišča, a astatnija, chto byŭ na fota, zastalisia tam», — raskazaŭ Intex-press były kadet Mikita.
Chešteh #pahoniapobač byŭ nazvany «Asamblejaj niedziaržaŭnych arhanizacyj Biełarusi» lepšaj kampanijaj salidarnaści krainy ŭ 2015 hodzie. Daviedaŭšysia, što Mikitu źbirajucca pieradać ŭznaharodu «Čempijony hramadzianskaj supolnaści», jaho baćki vykazalisia kateharyčna suprać.
Maci junaka nie choča, kab toj navat kantaktavaŭ sa ŚMI, bo baicca, što heta kiepska adabjecca na losie chłopca. Maci paprasiła, kab žurnalisty bolš nie turbavali ich siamju i navat nie zachodzili «VKontaktie» na staronku Mikity.
Čytajcie taksama:
Dyrektar Jastrambielskaj kadeckaj vučelni prabačyŭsia pierad Mikitam Hvoździevym za adličeńnie i prosić viarnucca
Śviatłana Aleksijevič pra kadetaŭ z «Pahoniaj»: Ź ich vyrastuć sapraŭdnyja biełaruskija aficery
Uładzimir Niaklajeŭ. Kadetam
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia18
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2323
Kamientary