Słužba dziaržaŭnaj biaśpieki Šviecyi (SAPO) ličyć, što nie mienš za 10 rasijskich dypłamataŭ, jakija pracujuć u Šviecyi, u rečaisnaści źjaŭlajucca supracoŭnikami vyviedki. Pra heta havorycca ŭ čarhovym hadavym dakładzie słužby. Pavodle jaje danych, rasiejskija špijony taksama vydajuć siabie za biznesmienaŭ i supracoŭnikaŭ avijakampanij.
Na dumku SAPO, rasiejskaja vyviedka ŭjaŭlaje najbolšuju pahrozu dla Šviecyi. Dalej u śpisie pahroz iduć vyviedvalnyja słužby Irana i Kitaja.
U dakładzie śpiecsłužby taksama havorycca pra ŭžyvańnie Rasijaj mietadaŭ psichałahičnaj vajny. Pavodle dadzienych SAPO, Rasija sprabuje ŭpłyvać na šviedskich palitykaŭ i hramadstva ŭ cełym, padtrymlivajučy radykalnyja ruchi i raspaŭsiudžvajučy dezinfarmacyju.
U novym dakładzie paćviardžajecca, što letaś Šviecyja paprasiła supracoŭnika rasijskaha pasolstva pakinuć krainu.
U žniŭni 2015 hoda nieaficyjna paviedamlałasia, što Šviecyja vysłała rasijskaha dypłamata za dziejnaść, niesumiaščalnuju z pryncypami Vienskaj kanviencyi ab dypłamatyčnych adnosinach. Rasija ŭ adkaz abjaviła piersonaj non-hrata vysokapastaŭlenaha supracoŭnika šviedskaha pasolstva ŭ Maskvie.
Hienieralny sakratar NATA Jens Stołtenbierh u studzieni paviedamiŭ u svaim štohadovym dakładzie, što Rasija ŭ 2013 hodzie praviała vajskovyja vučeńni, padčas jakich adpracoŭvaŭsia jadzierny ŭdar pa Šviecyi. Šviecyja nie źjaŭlajecca členam NATA, ale ŭdzielničaje ŭ prahramie «Partniorstva dziela miru».
-
«Mnie nie patrebna mižnarodnaje prava — u mianie niama namieru pryčyniać ludziam škodu». Tramp patłumačyŭ, navošta jamu Hrenłandyja
-
Masavyja pratesty ŭ Iranie praciahvajucca. Pratestoŭcy zaklikajuć da źviaržeńnia ajatały Ali Chamieniei i viartańnia Rezy Piechlevi
-
U Portlendzie ahienty pamiežnaj słužby ZŠA paranili dvuch čałaviek
Kamientary