Pjetra Basieli, 27-hadovy vykładčyk matematyki ŭ University College London, pieramoh u mižnarodnym konkursie na zvańnie samaha seksualnaha nastaŭnika i ŭ jakaści madeli padpisaŭ kantrakt z modnym domam Armani. Vykładčyk atrymaŭ viadomaść dziakujučy svaim studentam, jakija publikavali jaho fota ŭ sacsietkach, paviedamlaje Mirror.
Basieli, uradženiec horada Niehrar u italjanskaj pravincyi Vierona i ŭładalnik navukovaj stupieni PhD u halinie mašynabudavańnia, užo sprabavaŭ siabie ŭ jakaści madeli Armani, kali jamu było siem hadoŭ. Pa pryznańni samoha vykładčyka, jon zaŭsiody maryŭ ab madelnaj karjery, ale admaŭlaŭsia ad jaje, pakolki bajaŭsia nieparazumieńnia kalehaŭ u akademičnym asiarodździ. Na pytańnie, jak jamu ŭdajecca zachoŭvać dobruju fizičnuju formu, Basieli adkazaŭ, što dla hetaha dastatkova rehularnych trenirovak i strohaj dyjety.
U ciapierašni čas Instagram seksualnaha vykładčyka naličvaje kala 900 tysiač padpisčykaŭ.
Kampanija Giorgio Armani s.p.a. zasnavana ŭ 1975 hodzie italjanskim madeljeram Džordžya Armani i pradprymalnikam Sierdža Haleoci. Pieršuju kalekcyju pad svaim imiem Armani prezientavaŭ u 1974 hodzie. U pačatku lutaha 2016 hoda tvaram adnoj ź linij doma Armani — Armani Collezioni — stała 17-hadovaja madel z Hruzii Tako Naćvlišvili.
Ciapier čytajuć
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»32
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary