Štučny intelekt u Facebook budzie apisvać fota dla karystalnikaŭ z drennym zrokam
Ź siońniašniaha dnia, 5 krasavika, Facebook pačynaje vykarystoŭvać štučny intelekt, jaki dapamoža ludziam z prablemami zroku lepš aryjentavacca ŭ sacyjalnaj sietcy.
Tak, Facebook budzie apisvać źmiest fatahrafij dla ludziej z drennym zrokam. Pra heta paviedamlaje TSN sa spasyłkaj na Verge.
Raniej kampanija stvarała zakrytyja subtytry dla videa i realizavała mahčymaść pavialičvać pamier šryfta ŭ Facebook dla płatformy iOS. Hetyja funkcyi vykarystoŭvali 10% karystalnikaŭ sacsietki.
Ciapier užo isnuje aŭtamatyčny alternatyŭny tekst, jaki raspaznaje pradmiety na fotazdymkach z dapamohaj mašynnaha navučańnia. Mašynnaje navučańnie dapamahaje budavać štučnyja intelekty, vykarystoŭvajučy ałharytmy dla składańnia prahnozaŭ.
Tak, kali vy pakazali prahramnamu zabieśpiačeńniu dastatkova vyjaŭ z sabakami, naprykład, z časam jano budzie ŭ stanie identyfikavać sabaku na fatahrafii. Spačatku aŭtamatyčny alternatyŭny tekst raspaznaje rečy na fotazdymkach u Facebook. Zatym jon vykarystoŭvaje funkcyju VoiceOver, jakaja jość u iPhone, kab apisać fatahrafiju ŭsłych dla karystalnikaŭ z parušeńniami zroku.
Pakul što technałohija moža dakładna vyznačyć paniaćcie tolki ŭ peŭnych katehoryjach: transpart, pryroda, sport, ježa. Akramia taho, jana jašče apisvaje ludziej na fotazdymkach («dzicia», «uśmieška») i raspaznaje sełfi.
Adnak bolšaja častka internetu ŭsio roŭna jašče niedasiažnaja dla ludziej ź niedachopami zroku. Naprykład, ludzi čujuć imiony fajłaŭ, ale nie viedajuć, ci možna ich spampavać. Adznačym, taksama padobnymi technałohijami karystajecca Google Photos i Flickr. Ale ŭsio roŭna jašče zdarajecca mnostva pamyłak.
Tak, letaś Google byŭ vymušany paprasić prabačeńnia paśla taho, jak dvuch ciemnaskurych ludziej, adznačanych na fatahrafii, prahrama raspaznała, jak «harył».
Ciapier čytajuć
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»24
Kamientary