Razdačy pustych hrošaj bolš nie budzie, zajaviŭ premjer-ministr Andrej Kabiakoŭ, pradstaŭlajučy 5 krasavika ŭ parłamiencie prahramu dziejnaści ŭrada Biełarusi na pieryjad da 2020 hoda.
«Pustyja hrošy razdavacca nie buduć. Kredytavacca buduć tolki efiektyŭnyja prajekty, i kab pretendavać na dziaržpadtrymku, nieabchodna budzie spačatku samym žorstkim čynam aptymizavać vydatki», — skazaŭ premjer.
Jon padkreśliŭ, što značnyja abjomy dziaržpadtrymki ŭ minułyja hady pryviali da źnižeńnia efiektyŭnaści vydzielenych resursaŭ. «My ŭbačyli takuju zakanamiernaść: čym bolš hrošaj vydzialajecca ekanomicy, tym nižejšy kaeficyjent manietyzacyi», — kanstatavaŭ Kabiakoŭ.
U liku niehatyŭnych nastupstvaŭ masavaj vydačy dyrektyŭnych kredytaŭ kiraŭnik urada pryvioŭ devalvacyju i inflacyju. Kab paźbiehnuć takich nastupstvaŭ, dziaržpadtrymka pavinna akazvacca tolki pad efiektyŭnyja prajekty, dadaŭ Kabiakoŭ.
«Našy subjekty haspadarańnia pavinny efiektyŭna funkcyjanavać, a nie čakać padtrymki z boku dziaržavy. A my pryvykli ničoha nie mianiać i kazać «dajcie hrošaj». Takoha bolš nie budzie», — padkreśliŭ premjer-ministr.
U suviazi z hetym jon nahadaŭ, što ŭkaz № 78 ab mierach pa pavyšeńni efiektyŭnaści raźvićcia sacyjalna-ekanamičnaha kompleksu praduhledžvaje skaračeńnie pradpryjemstvami sabiekoštu pradukcyi i pasłuh na 25%.
«Kali raspranucca pa pojas, jak skazaŭ prezident, zhoniać tłušč, jašče i jašče raz skarociać vydatki, tady i budzie razhladacca pytańnie, ci varta akazvać takim pradpryjemstvam dziaržpadtrymku», — reziumavaŭ Kabiakoŭ.
Kamientary