AFP
Za ŭsie dni abvastreńnia situacyi na linii sudakranańnia z Azierbajdžanam Armija abarony Nahornaha Karabacha straciła 29 čałaviek zabitymi i 101 — paranienymi. Pra heta, jak pieradaje TASS, paviedamiŭ načalnik apieratyŭnaha adździeła jaje štaba Viktar Arstamian.
Akramia taho, pavodle jaho słoŭ, zahinuli piać cyvilnych asob i šeść dobraachvotnikaŭ. 26 čałaviek prapali bieź viestak. Za čas bajoŭ źniščana 14 tankaŭ Armii abarony Nahornaha Karabacha, dadaŭ Arstamian.
«U vyniku kontrnastupleńnia karabachski bok viarnuŭ usie svaje pazicyi», jakimi z momantu pačatku sutyknieńniaŭ avałodała azierbajdžanskaja armija, dadaŭ jon.
U svaju čarhu, Minabarony Azierbajdžana paviedamiła, što za čas bajavych dziejańniaŭ na linii sudakranańnia ŭ Karabachu uzbrojenyja siły krainy stracili 31 vajskoŭca, pieradaje RIA Novosti.
Kažučy pra straty bajavoj techniki, kiraŭnik pres-słužby azierbajdžanskaha ministerstva abarony Vahif Dziarhiachły zajaviŭ, što z pačatku vajennych dziejańniaŭ azierbajdžanskija vojski stracili ŭsiaho adzin tank.
«Armianski bok śćviardžaje ab nibyta źniščanych 24 tankach uzbrojenych sił Azierbajdžana. Heta dezinfarmacyja», — zajaviŭ jon ahienctvu.
Raniej u aŭtorak, 5 krasavika, paviedamlałasia ab tym, što kanfliktujučyja baki dasiahnuli pahadnieńnia ab režymie spynieńnia ahniu. Bajavyja dziejańni byli spynienyja z 12:00.
«Śvińni zarochkali. Biez vady daŭno nie siadzieli, ja b im adklučyŭ». Azaronak abrynuŭsia na žycharoŭ rajona Lebiadziny29
Kamientary