Rasijski žurnalist Alaksiej Šaŭčenka zajaviŭ, što eks-hienieralny mieniedžar minskaha «Dynama» Uładzimir Bieražkoŭ vyzvaleny ź SIZA.
«Pa maich dadzienych, Bieražkova adpuścili. Tak što i nijakaha suda nie budzie. Schudnieŭ, chvareŭ, ale na voli, žyvy i naohuł: ura!» — napisaŭ Šaŭčenka ŭ svaim tvitary.
Hetuju infarmacyju paćvierdziła Tribuna.com krynica, znajomaja ź situacyjaj.
Pres-sakratar Hienprakuratury Piotr Kisialoŭ prakamientavaŭ dla pressball.by navinu pra vyzvaleńnie Bieražkova.
«U dačynieńni da Uładzimira Bieražkova źmienienaja miera strymańnia. Z zaklučeńnia pad vartu na padpisku ab niavyjeździe. Kryminalnaja sprava pa-raniejšamu znachodzicca ŭ Hienprakuratury. U dačynieńni da inšaha fihuranta spravy (Maksima Subotkina) usio zastałosia pa-raniejšamu».
***
Hladzi taksama: Piać faktaŭ pra Uładzimira Bieražkova.
***
U kancy lipienia 2015 h. byŭ zatrymany były hiendyrektar CHK «Dynama-Minsk» Maksim Subotkin. Jamu vystavili abvinavačańnie na padstavie č. 3 art. 424 KK (złoŭžyvańnie słužbovymi paŭnamoctvami, što paciahnuła ciažkija nastupstvy ŭ vyhladzie naniasieńnia ŭronu ŭ asabliva bujnym pamiery).
14 žniŭnia 2015 h. Śledčy kamitet paviedamiŭ pra zatrymańnie Uładzimira Bieražkova. 27 žniŭnia pradstaŭniki SK i MUS paviedamili žurnalistam, što Bieražkovu vystaŭlenaje abvinavačańnie ŭ zavałodańni hrašovymi srodkami kłuba na 1 młrd. 90 młn. rubloŭ z vykarystańniem słužbovych paŭnamoctvaŭ (č. 4 art. 210 KK).
1 lutaha 2016 h. im byli pradjaŭlenyja kančatkovyja abvinavačvańni. Dziejańni byłoha hienieralnaha dyrektara chakiejnaha kłuba M. Subotkina ŭ vynikovaj redakcyi abvinavačvańni kvalifikavanyja pavodle č.3 art. 424, č.3 art.426, č.4 art.210 Kryminalnaha kodeksa Respubliki Biełaruś, a byłoha hienieralnaha mieniedžara kłuba U.Bieražkova pavodle č.3 art.424, č.4 art.210. Materyjalnaja škoda na sumu bolš za 3 miljardy rubloŭ pakryta praktyčna całkam.
Pa zaviaršeńni aznajamleńnia z materyjałami kryminalnaj spravy abvinavačvanymi byli zajaŭlenyja chadajnictvy ab vyzvaleńni ich ad kryminalnaj adkaznaści ŭ paradku, ustanoŭlenym art. 88-1 Kryminalnaha kodeksa Respubliki Biełaruś.
Ciapier čytajuć
Što ŭ realnaści adbyłosia pad Smalavičami? Voś samaja łahičnaja pryčyna nalotu ašalełych rasijskich małaletak2
Kamientary