Śmierć Hanny Volskaj amal supała z pačatkam kraŭdfandynhavaj kampanii ŭ padtrymku novaha alboma Lavona Volskaha. Trahičnyja abstaviny nie źmianili rašučaści Lavona davieści spravu da łahičnaha finału.
«Kraŭdfandynh — adzin z apošnich prajektaŭ Aniečki. Jana navat čuła častku piesień z budučaha dyska, — kaža Volski. — My musili zapuścić kampaniju na niekalki tydniaŭ raniej, ale pakul darabili sajt, pakul vyrašyli ŭsie techničnyja pytańni, Aniečka akurat patrapiła ŭ lakarniu. Mienavita praz toje, što heta prajekt, nad jakim jana pracavała davoli doŭha, jaki jana vielmi chacieła ździejśnić, my vyrašyli ničoha nie spyniać… Pryniać toje, što zdaryłasia ź joj vielmi składana i ŭ peŭnym sensie niemahčyma. Ale ščyra dziakuju ŭsim za padtrymku ŭ hety vielmi ciažki momant. Mnie zaraz składana skazać, kali i jakim vyjdzie novy albom. Ale hety albom abaviazkova budzie».
Dysk maje stać praciaham paśpiachovaha alboma «Hramadaznaŭstva» (2014). Jak i pieršaja častka, jon budzie zapisany ŭ Vilni z narviežskim saŭndpradziusaram Snore Bierhierudam. Na hety momant sabrana 60% nieabchodnych srodkaŭ. Zrabić svoj uniosak možna praz sajt lavonvolski.com.
Kamientary