Prezident Sudana Amar Bašyr u intervju Bi-bi-si zajaviŭ, što nie budzie pretendavać na pasadu kiraŭnika dziaržavy paśla 2020 hoda, kali skončycca jaho dziejny prezidencki mandat.
Pa słovach 72-hadovaha Bašyra, jaho praca stamiła.
Jon znachodzicca va ŭładzie z 1989 hoda, na pasadzie prezidenta - z 1993 hoda. U minułym hodzie jon čarhovy raz pieraabrany na vyšejšuju dziaržaŭnuju pasadu z vynikam 94,05% hałasoŭ. Apazicyjnyja kandydaty bajkatavali hałasavańnie, nazyvajučy jaho niesvabodnym i niespraviadlivym.
Siem hadoŭ tamu Mižnarodny kryminalny sud u Haazie vydaŭ ordar na aryšt Bašyra pa abvinavačvańni ŭ dačynieńni da vajennych złačynstvaŭ i złačynstvaŭ suprać čałaviečnaści ŭ chodzie darfurskaha kanfliktu, achviarami jakoha z 2003 hoda stali nie mienš za 300 tysiač čałaviek.
Prezident čarhovy raz nazvaŭ hetyja abvinavačvańni palityčnymi i ŭ dokaz svajoj papularnaści ŭ naroda zaklikaŭ pahladzieć na vielizarnyja natoŭpy ludziej, što vitajuć jaho na vulicach.
Ciapier čytajuć
Ejsmant: Łukašenka nie zmoža palacieć na Samit miru ŭ ZŠA, bo pavietranaja prastora Jeŭropy dla jaho zakrytaja38
Kamientary