«Jana była vielmi ahresiŭnaj». Tramp raspavioŭ, jak pakaraŭ Šviejcaryju mytami ŭ 39%
Viasnoj 2025 hoda prezident ZŠA Donald Tramp pryhraziŭ Šviejcaryi mytami ŭ 31%, a ŭ žniŭni, paśla telefonnaj razmovy z tahačasnaj šviejcarskaj prezidentkaj Karyn Kieler-Zuter, jon abkłaŭ krainu mytami ŭžo ŭ 39%. Jon patłumačyŭ, čamu tak pastupiŭ — jamu nie spadabaŭsia ton surazmoŭnicy, piša BILD.
Šviejcaryja mocna zaležyć ad ekspartu ŭ ZŠA, tamu paśla pahrozy pavyšeńnia taryfaŭ Kieler-Zuter patelefanavała ŭ Bieły dom, kab vyratavać stanovišča.
Adnak sproba pravaliłasia, raspavioŭ Tramp.
«Ja atrymaŭ terminovy zvanok ad — dumaju, heta była premjer-ministr Šviejcaryi — i jana była vielmi ahresiŭnaj, choć i vietlivaj. Ale vielmi ahresiŭnaj.
«Ser, my maleńkaja kraina, my nie spravimsia». Ja nie moh prymusić jaje paviesić słuchaŭku… Tady ja skazaŭ: «Mahčyma, vy maleńkaja kraina, ale ŭ nas z vami handlovy deficyt u 42 miljardy dołaraŭ». Mnie sapraŭdy nie spadabałasia, jak jana z nami razmaŭlała. I zamiest taho kab dać joj źnižku, ja pavysiŭ myta da 39 adsotkaŭ», — skazaŭ jon.
Takim čynam, adna telefonnaja razmova, jak vynikaje, kaštavała Šviejcaryi vializnych hrošaj.
Stanovišča vypravili šviejcarskija pradprymalniki, jakija naviedali Bieły dom u listapadzie. Jany pryvieźli dla Trampa padarunki. Pavodle Axios, havorka išła ab nastolnym hadzińniku Rolex i załatym źlitku vahoj 1 kh. Jon byŭ paznačany ličbami 45 i 47 u honar prezidenckich terminaŭ Trampa.
Z taho času šviejcarski ekspart abkładajecca mytami ŭ 15% — stolki ž spahaniajecca z tavaraŭ ES.
-
Iranskija šachiedy prylacieli ŭ Azierbajdžan — adzin upaŭ kala škoły, druhi vybuchnuŭ na terytoryi aeraporta
-
«Uviečary telefanuje lekar z palikliniki i raspaviadaje vyniki analizaŭ — heta prosta šok!» Biełarusy raspaviali pra miedycynu ŭ Litvie
-
Kim Čen Yn abviaściŭ pra vypusk u KNDR minimum dvuch eśmincaŭ u hod
Ciapier čytajuć
Ananimy — historyi biełarusaŭ, jakim prychodzicca šyfravacca, bo režym ličyć ich dziejnaść «kryminałam»10
Ananimy — historyi biełarusaŭ, jakim prychodzicca šyfravacca, bo režym ličyć ich dziejnaść «kryminałam»
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary