Litva hatovaja kansultavać Biełaruś adnosna ŭstupleńnia ŭ SHA, zajaviŭ vice-ministr zamiežnych spraŭ Litvy Rajmundas Karoblis, paviedamlaje ru.delfi.lt.
«U śviatle taho, što Biełaruś sprabuje adnavić praces ustupleńnia ŭ Suśvietnuju handlovuju arhanizacyju (SHA), Litva nie budzie vieści z susiedam pramych pieramoŭ, bo za hety praces adkazvaje Jeŭrakamisija, adnak intaresy krainy buduć aktyŭna achoŭvacca šlacham vykarystańnia orhanaŭ Jeŭrasajuza», — adznačyŭ dypłamat.
Jon rastłumačyŭ, što Litva hatovaja kansultavać Biełaruś i dać joj techničnuju dapamohu ŭ pracesie ŭstupleńnia, a taksama dapamahčy ŭ realizacyi reformaŭ, nieabchodnych dla členstva ŭ SHA. Adnak, dadaŭ Karoblis, nijakich prośbaŭ ab dapamozie Litva pakul nie atrymała.
«Jeŭrakamisija i Litva stanoŭča aceńvajuć inicyjatyvy Biełarusi pa adnaŭleńni pracesu ŭstupleńnia ŭ SHA, jaki ŭ suviazi z palityčnymi sankcyjami, što prymianialisia da krainy, byŭ całkam spynieny. Z adklikańniem sankcyj uźnikaje mahčymaść praciahu pracesu ŭstupleńnia, adnak Jeŭrakamisija i inšyja asnoŭnyja krainy SHA prytrymlivajucca pazicyi, zhodna ź jakoj, pierš za ŭsio, Biełaruś pavinna vykanać nieabchodnuju dla členstva damašniuju pracu», — skazaŭ Karoblis.
Jon dadaŭ, što zaraz havorka idzie tolki pra adnaŭleńnie pieramoŭ ab ustupleńni Biełarusi ŭ SHA, tamu nielha prahnazavać, jak nadoŭha hety praces zaciahniecca.
-
U ekanamičnym płanie siaredniestatystyčny biełarus ciapier žyvie lepš, čym 6 hadoŭ tamu, a niemiec — nie. Jak takoje mahčyma?
-
Biełaruskija dalnaboi ŭ Jeŭropie: haračaja dyskusija ŭ sacsietkach pra toje, u jakoj krainie jany zarablajuć najbolš i majuć najlepšyja ŭmovy pracy
-
Kastryčnik, a fiermiery pad Hrodnam na ŭsiu moc źbirajuć kłubnicy. Dziakujučy novamu sortu
Ciapier čytajuć
«Pieraapranuŭsia ŭ amapaŭca i dyryžyravaŭ čornaj dubinkaj». Adzin z zasnavalnikaŭ «Volnaha choru» — pra akcyi ŭ handlovych centrach u 2020‑m i pracu ŭ fiłarmonii ŭ Litvie4
Kamientary