Alaksandr Łukašenka ŭskłaŭ adkaznaść za adsutnaść pieramoŭ na Uładzimira Zialenskaha, zajaviŭ pra krytyčnuju situacyju dla Ukrainy i zaklikaŭ da terminovaha mirnaha ŭrehulavańnia.
Uładzimiru Zialenskamu treba chutčej prymać rašeńni dla mirnaha ŭrehulavańnia, kab paźbiehnuć źniknieńnia Ukrainy jak dziaržavy. Pra heta Alaksandr Łukašenka zajaviŭ rasijskim žurnalistam padčas samitu SND u Tadžykistanie, piša BIEŁTA.
Žurnalisty pacikavilisia mierkavańniem Łukašenki pra toje, «kali kiraŭnictva Ukrainy zrazumieje, što pieramovy lepš, čym vajna».
Łukašenka skazaŭ, što raniej byŭ schilny abvinavačvać u niedamovazdolnaści jeŭrapiejskich lidaraŭ. Ale ciapier dumaje inakš.
«My atrymlivajem šmat infarmacyi ŭ apošnija dni, što tut sprava nie ŭ Złučanych Štatach Amieryki, jakija vielmi chočuć prasoŭvańnia tut [u mirnym pracesie], nie ŭ Rasii, jakaja hatova da prasoŭvańnia, i nie ŭ jeŭrapiejskich lidarach, a bolš va Uładzimiry Alaksandravičy Zialenskim prablema. Ja dumaju, što jon usio zrazumieje i razumieje», — skazaŭ jon.
«Mnie zdajecca, Uładzimir Alaksandravič schilny da taho, kab na jaho byŭ ažyćcioŭleny mahutny cisk zvonku. Tady pad hetym ciskam buduć pryniaty adpaviednyja rašeńni», — dadaŭ Łukašenka.
Jon upeŭnieny, što prymać takija rašeńni varta terminova, bo «Ukraina moža źniknuć jak dziaržava». «Dziejničać treba terminova. Rasija prasoŭvajecca na froncie. Ja heta kažu adkazna, bo kožny dzień heta naziraju faktyčna. I heta moža pryvieści da źniknieńnia Ukrainy jak dziaržavy», — zajaviŭ jon.
Akramia taho, śćviardžaje Łukašenka, zachodnija susiedzi pahražajuć Ukrainie.
«Pahladzicie na hetych ašalełych susiedziaŭ z zachadu. Viadomyja ŭžo siły i dziaržavy bačać siabie ŭ Zachodniaj Ukrainie. Jany ŭžo hatovyja adciapać častku Ukrainy, jak heta było da pačatku Vialikaj Ajčynnaj vajny. Taksama razumiejecie, pra što idzie havorka. Tamu tam zamies vielmi surjozny», — nahniataje Łukašenka.
Paśla taho, jak papužaŭ ukrainskaha kalehu, Łukašenka pakazaŭ piernik.
«Čarhovy raz skažu, kab prezident Ukrainy pačuŭ maje prapanovy i zrazumieŭ, što ščaścia jamu na terytoryi Ukrainy nichto nie pryniasie, akramia słavianskich dziaržaŭ. Tamu treba sieści i damovicca», — skazaŭ Łukašenka.
Vykazvańni Alaksandra Łukašenki chłuślivyja. U realnaści heta Rasija pry padtrymcy Biełarusi napała na Ukrainu i zachapiła častku jaje terytoryi. U vypadku kali Rasija spynić ahoń, vajna spynicca imhnienna.
-
Babaryka: Nie mohuć zdymacca sankcyi z pradpryjemstvaŭ i ludziej, zadziejničanych u vajnie. Vypuścicie palitviaźniaŭ canoj zabojstva ŭkraincaŭ?
-
Piedahoha-arhanizatara z Homiela, jakaja raniej uznačalvała vajenna-patryjatyčny kłub, asudzili pa troch palityčnych artykułach
-
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić
Ciapier čytajuć
Babaryka: Nie mohuć zdymacca sankcyi z pradpryjemstvaŭ i ludziej, zadziejničanych u vajnie. Vypuścicie palitviaźniaŭ canoj zabojstva ŭkraincaŭ?5
Babaryka: Nie mohuć zdymacca sankcyi z pradpryjemstvaŭ i ludziej, zadziejničanych u vajnie. Vypuścicie palitviaźniaŭ canoj zabojstva ŭkraincaŭ?
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić77
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić7
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci44
Kamientary