Pačaŭsia sud nad dziŭnym biełarusam z «Pravaha siektara»: jon prosić asabistaj sustrečy sa staršynioj KDB

18 krasavika ŭ Frunzienskim sudzie Minska pačaŭsia sudovy praces nad biełaruskim bajcom bataljona DUK «Pravy siektar» Tarasam Avataravym. Jon byŭ zatrymany 26 listapada 2015 hoda na čyhunačnym vakzale ŭ Minsku. Jaho sudziać za niezakonny abarot zbroi i kantrabandu zbroi. Pra najomnictva havorka nie viadziecca.

Pavialičyć

U pačatku sudovaha pracesa 28-hadovy Avataraŭ źviarnuŭsia da žurnalistaŭ rasijsich ŚMI, što jon zabaraniaje im aśviatlać hety praces.

Kali sudździa Žanna Žukoŭskaja źviarnułasia da Avatarava, ci jość u jaho zajavy i chadatajnictvy, jon skazaŭ, što prosić asabistaj sustrečy z kiraŭnikom KDB Valeryjem Vakulčykam. «Jon razumiejučy čałaviek. Kali ja publična ahuču toje, jak presavali mianie ŭ turmie, to Biełaruś nie tolki pazbavicca kredytaŭ, ale i pierastanie ličycca cyvilizavanym śvietam».

Pavialičyć

Taksama Avataraŭ paprasiŭ, kab jaho vyzvalili ŭ suviazi z amnistyjaj. Treciaja jahonaje chadajnictva tyčyłasia pieranosu sudu, bo jon nie paśpieŭ aznajomicca z materyjałami spravy. A padpisaŭ, što aznajomleny paśla šantažu z boku prakurora. Hetaje chadajnictva było adchileny, jak i ab sustrečy z Vakulčykam.

Svaju vinu Avataraŭ pryznaje častkova. Pa artykule 228 č. 2 «Kantrabanda zbroi» jon nie pryznaŭ viny. Adnak pryznaŭ pa artykule 295 č.2 «Niezakonny abarot zbroi».

15:15

Pačaŭsia dopyt śviedkaŭ. Pieršym vystupaŭ Ihar Vaškievič, valščyk lesu rodam z Salihorskaha rajona. Jon byŭ paniatym pry praviadzieńni vobšuku Tarasa Avatarava. Adnak potym vyśvietliłasia, što Vaškievič nie byŭ niepasrednym śviedkam kanfiskacyi hranaty, pistaleta i inšych pradmietaŭ. Apieratyŭniki zaprasili jaho ŭ pakoj, kali ŭsio znojdzienaje ŭ Avatarava, užo lažała na stale.

Pavodle słovaŭ Vaškieviča, Avataraŭ śćviardžaŭ, što znajšoŭ hranatu ŭ Śvisłačy i jamu jana nie naležyła.

***

Druhi śviedka – 20-hadovy milicyjant Hleb Šust. Jon pryjšoŭ u skuranoj kurtcy, na zadniaj častcy jakoj namalavany čerap u atačeńni zbroi. U Šusta za plačyma tolki siaredniaja adukacyja.

 Mienavita jon pravodziŭ zatrymańnie Avatarava. Ranicaj 26 listapada Šust razam z kaleham Lašukom pabačyŭ na vakzale čałavieka, jaki spaŭ, a praz kurtku ŭ jaho była bačnaja broniekamizelka. Heta i stała padstavaj razbudzić čałavieka. Paśla milicyjanty paviali Avatarava dla bolš detalovaj pravierki ŭ asobny pakoj. Avataraŭ absalutna nie supraciŭlaŭsia.

U pakazańniach śviedki na sudzie i ŭ pratakołach byli nieadpaviednaści. U pryvatnaści, Šust siońnia śćviardžaŭ, što hranatu dastali sami milicyjanty z kišeni kurtki Avatarava. Adnak u materyjałach spravy śćviardžajecca, što Avataraŭ trymaŭ ruku ŭ levaj kišeni kurtki i admaŭlaŭsia jaje dastać, a kali dastaŭ, to pabačyli, što ŭ jaho ruce hranata. Šust zaznačyŭ, što pravilnyja śviedčańni jon davaŭ tady, a nie siońnia.

Šust skazaŭ, što Avataraŭ im tady śćviardžaŭ, što hranatu jon znajšoŭ i pavinien pieradać kampietentnym orhanam.

Pry hetym Šust adznačyŭ, što ad Avatarava nie było nijakaj ahresii.

Šust paćviardžaje, što vobšuk Avatarava prachodziŭ nie pry śviedkach. Im užo byli pakazanyja pradmiety, jakija byli kanfiskavanyja ŭ abvinavačanaha, adnak samoha pracesu kanfiskacyi jany nie bačyli.

15:49

Vystupiŭ śviedka sapior Rusłan Kłakotka, jaki pracavaŭ pry abiasškodžvańni hranaty. Jon adznačyŭ, što hranata nie znachodziłasia ŭ bajavym stanoviščy. Pryncypovy momant, što było ŭnutry hranaty: tak zvany «ŭzryvaciel», ci «zapał». Uzryvaciel zvyčajna ŭmantavany ŭ hranaty, jaki vykarystoŭvajucca hranatamiotam, ich dziejańnie adbyvajecca pry ŭdary. Što tyčycca «zapału», to dla taho, kab pryvieści jaho ŭ bajavoje stanovišča patrebna adahnuć «vusiki», vyciahnuć kołca. Sapior paćvierdziŭ, što ŭ hranacie Avatarava byŭ «zapał». Pry hetym sapior paćvierdziŭ, što hranatu pry patrebie možna było vielmi chutka vykarystać. Ciaham 3-4 siekund.

16:20

Abvieščany pierapynak da 19 krasavika, 10:30

• 0
• 0
• 0
• 0
• 0
• 0
• 0
• 0