Kancert pamiaci Hanny Volskaj u KZ «Minsk» nie dazvolili, spasłaŭšysia na «dziaržaŭnaje mierapryjemstva»
1 maja spoŭniłasia 40 dzion sa dnia śmierci Hanny Volskaj – žonki i pradziusarki viadomaha muzyki Lavona Volskaha. Kab ušanavać jaje pamiać, siabry i znajomyja vyrašyli pravieści kancert. Adnak im admovili, spasłaŭšysia na «mierapryjemstva z udziełam orhanaŭ dziaržaŭnaj ułady, siłavych ministerstvaŭ i viedamstvaŭ».
«Tady, u kancy sakavika, praktyčna adrazu, vialikaja kolkaść siabroŭ-muzykaŭ prapanavali pravieści kancert pamiaci Hanny. Akustyčny, cichi i dobry. Siamiejny. Kab usie, kamu darahaja Ania, zmahli pryjści razam sa svaimi dziećmi i pabyć razam. Paŭzhadvać … – napisaŭ u svaim fejsbuku Uładzimir Šablinski. — Doŭha vybirali placoŭku i pryjšli da razumieńnia, što treba rabić u KZ «Minsk». I ŭ časy NRMa, i nastupnyja imprezy «Krambambuli» my razam pieražyli ŭ hetaj zali mnohaje. Značnuju častku žyćcia».
Zbory z kancerta źbiralisia nakiravać albo Lavonu Volskamu na albom, albo na ramont jaho chutara.
Kancert chacieli zładzić 7 lipienia. Ale ž zdać ŭ arendu zału admovilisia. Šablinski prademanstravaŭ aficyjny adkaz.
Cikava, što ŭ kulturna-aśvietnickim centry svaju ž zajavu i abvierhli. «Repiertuarny płan na lipień jašče nie zaćvierdžany. Zajaŭki padajucca, ale ci budzie niejkaja kankretnaja impreza i ŭ jaki čas, pakul nie vyrašana», — paviedamiŭ «Našaj Nivie» Stanisłaŭ Andrasiuk, hałoŭny śpiecyjalist arhanizacyjna-mietadyčnaha adździeła centra.
Ciapier čytajuć
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ18
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii1212
Kamientary