Minabarony RF dla procidziejańnia naroščvańniu sił NATA kala miežaŭ Rasii stvoryć dźvie novyja dyvizii ŭ Zachodniaj vajennaj akruzie i adnu — u Paŭdniovaj.
Pra heta paviedamiŭ kiraŭnik vajennaha viedamstva Siarhiej Šajhu, pieradaje TASS.
«Ministerstvam abarony prymajecca šerah mier z metaj procidziejańnia naroščvańniu sił NATA ŭ niepasrednaj blizkaści ad rasijskich miežaŭ. Da kanca hoda dźvie novyja dyvizii buduć sfarmavanyja ŭ Zachodniaj vajennaj akruzie, adna — u Paŭdniovaj vajennaj akruzie», — skazaŭ Šajhu na sielektarnaj naradzie ŭ viedamstvie.
Ciapier užo viadziecca dobraŭparadkavańnie miescaŭ dysłakacyi novych złučeńniaŭ, adznačyŭ ministr.
«Mnoju byli dadzienyja daručeńni ŭžyvać pry ŭźviadzieńni abjektaŭ samyja pieradavyja budaŭničyja rašeńni. Havorka idzie pra błokava-modulnyja kanstrukcyi. Technałohija patočnaj vytvorčaści i pastaŭki modulaŭ dazvalaje ŭzvodzić budynak na praciahu troch — maksimum čatyroch tydniaŭ», — udakładniŭ ministr.
Pa słovach Šajhu, pry nieabchodnaści zbudavańnie možna apieratyŭna razabrać i pieravieźci na inšaje miesca. Takim ža apieratyŭnym sposabam naładžvajecca ŭsia sistema zabieśpiačeńnia, uklučajučy kacielni.
Stvareńnie troch novych dyvizij na zachodnim kirunku Šajhu anansavaŭ jašče ŭ studzieni. Paźniej stała viadoma, što novaje motastrałkovaje złučeńnie źjavicca pad Rastovam-na-Donie, jašče dva — u Smalenskaj i Varoniežskaj abłaściach.
Kožnaja z novych dyvizij, jak paviedamlałasia raniej, budzie mieć u svaim składzie prykładna pa 10 tysiač čałaviek.
Raniej ministr abarony ZŠA Eš Karter paćvierdziŭ, što NATA abmiarkoŭvaje mahčymaść raźmiaścić čatyry bataljony va ŭschodnich krainach aljansu.
Ciapier čytajuć
«U mianie na stale piać hadoŭ lažała papiera ź pieradačaj prava apieki nad synam». Volha Sieviaryniec — pra hady strachu, antydepresanty i nadzieju1212
Kamientary