Alaksandr Łukašenka padkreślivaje važnaść zachavańnia žorstkaj dyscypliny dla vytvorčaści kankurentazdolnaj pradukcyi.
Na hetym siońnia kiraŭnik dziaržavy akcentavaŭ uvahu, razmaŭlajučy z pradstaŭnikami pracoŭnaha kalektyvu Minskaha matornaha zavoda.
Alaksandr Łukašenka adznačyŭ, što biełaruskija vytvorcy ŭstupili ŭ pałasu žorstkaj kankurencyi. Kab vypuskać tavar, pryvabny pa canie i jakaści, patrebna žorstkaja dyscyplina, dyktatura technałohii, pierakanany kiraŭnik krainy. Vychodziačy na novyja rynki z novaj jakaściu i novym praduktam, Biełaruś zmoža «vybracca z kryzisnaj situacyi, u jakuju nas apuścili», skazaŭ kiraŭnik dziaržavy. Pry hetym jon dadaŭ, što «u asnoŭnym heta nie naša vina, a naša biada».
Kiraŭnik dziaržavy padkreśliŭ, što žorstkaja dyscyplina nie maje na ŭvazie taho, što kamuści treba zakryvać rot.
«Čałaviek maje prava skazać usio, što jon dumaje pra palityku, unutranuju i źniešniuju, na prafsajuznym abo ahulnym schodzie, jaki pravodzicca dla ščyraj razmovy», - adznačyŭ jon. Adnak na kanviejery nie pavinna być nijakaj palityki. «Tut palityka adna - jakaść», - reziumavaŭ Łukašenka.
«Śvińni zarochkali. Biez vady daŭno nie siadzieli, ja b im adklučyŭ». Azaronak abrynuŭsia na žycharoŭ rajona Lebiadziny29
Kamientary