U Minsku projdzie šeście pamiaci ŭdzielnikaŭ vajny «Biełaruś pamiataje»

Siońnia ranicaj na praśpiekcie Niezaležnaści ŭ Minsku projdzie šeście pamiaci «Biełaruś pamiataje». Ludzi projduć da płoščy Pieramohi z partretami hierojaŭ vajny i svaich svajakoŭ na znak pamiaci pra vajnu i ŭdziačnaści pakaleńniu pieramožcaŭ.

Dla vieteranaŭ na płoščy Pieramohi pastaviać trybuny, dzie jany sustrenuć šeście. Zatym da pomnika na płoščy Pieramohi buduć uskładzieny kvietki, prahučyć vals Pieramohi.

Uviečary na placoŭcy pierad Viečnym ahniom adbudziecca śviatočny kancert Prezidenckaha arkiestra Respubliki Biełaruś z udziełam biełaruskich vykanaŭcaŭ i zaprošanych artystaŭ.

11.00—17.00. Placoŭka la Pałaca sportu. Kancertnaja prahrama, śviatočny kirmaš, vystava-kirmaš majstroŭ narodnaj tvorčaści «Horad majstroŭ».

12.00—17.00. Terytoryja Vierchniaha horada. Kancertnaja prahrama adkryćcia letniaha muzyčna-turystyčnaha siezona.

12.00. Muziejna-parkavy kompleks «Pieramoha». Ŭsiebiełaruskija lohkaatletyčnyja spabornictvy «Zabieh advažnych».

20.00. Płošča Pieramohi. Kancert «A pamiać — śviataja …»

22.00. Śviatočny salut ŭ Minsku: u parku imia 50-hodździa Pieramohi, na pustcy ŭ rajonie vulicy Pryharadnaj, na terytoryi aeraporta Minsk-1, u rajonie Čyžoŭskich mohiłak, na paŭnočna-zachodnim bierazie vadaschovišča Drazdy, u vajennym haradku va Uruččy.

Hrafik pracy mietrapalitena 9 maja

Intervał ruchu ciahnikoŭ na linijach mietrapalitena 9 maja z 7.00 da 12.00 i z 18.00 da 23.00 składzie 3 chviliny, z 12.00 da 18.00 — 4 chviliny, paśla 23.00 — 12 chvilin. U suviazi z praviadzieńniem śviatočnych mierapryjemstvaŭ na płoščy Pieramohi 9 maja budzie źmienieny režym pracy stancyi mietro «Płošča Pieramohi». Z 5.30 da 7.00 i z 13.00 da 17.00 stancyja budzie pracavać u štatnym režymie, z 7.00 da 13.00 i z 17.00 da 23.00 ciahniki mietrapalitena buduć chadzić biez prypynku «Płošča Pieramohi».

Ruch transpartu abmiažujuć ŭ Minsku 9 maja

U darožnaj milicyi patłumačyli, što ruch abmiažujuć na nastupnych učastkach.

Z 6.30 da zakančeńnia mierapryjemstvaŭ — na prasp. Niezaležnaści ad vuł. Lenina da vuł. Surhanava. Tut budzie abmiežavany ruch usich vidaŭ transpartnych srodkaŭ, za vyklučeńniem hramadskaha transpartu. Z 7.00 na hetym ža ŭčastku začynicca ruch i dla hramadskaha transpartu. Z 17.00 da zakančeńnia mierapryjemstvaŭ ruch abmiažujuć i na kavałku prasp. Niezaležnaści ad vuł.Lenina da vuł.Kazłova.

• 0
• 0
• 0
• 0
• 0
• 0
• 0
• 0