Kiroŭca aŭtobusa Kałodziščy—Minsk raskvasiŭ nos bieźbiletnamu pasažyru

Pa darozie z Kałodziščaŭ ŭ Minsk kiroŭca rejsavaha aŭtobusa raźbiŭ pasažyru nos. Pra heta TUT.BY raspaviali vidavočcy zdareńnia. Pavodle papiaredniaj infarmacyi rajonnaha UUS, pryčynaj kanfliktu staŭ nieapłačany prajezd.

Pavialičyć

Usio adbyłosia na prypynku «Vajenny haradok Kałodziščy». Aŭtobus biez kanduktara, tamu pasažyram kvitki pradavaŭ kiroŭca. U takich vypadkach uvachodzić u hramadski transpart treba praź piarednija dźviery.

— Na prypynku kiroŭca adkryŭ siarednija dźviery, kab mahła vyjści žančyna z kalaskaj. Ale niekalki pasažyraŭ paśpieli zajści ŭ aŭtobus, ale nie ŭsie kupili kvitki, — raspaviadaje Taćciana, adna z pasažyrak. — Kiroŭca skazaŭ, što pakul jany nie apłaciać prajezd, aŭtobus nikudy nie pajedzie.

Čakańnie praciahvałasia 15 chvilin. Kiroŭca navat zahłušyŭ ruchavik. Na abureńnie pasažyraŭ, jakija śpiašalisia ŭ Miensk, mužčyna nijak nie reahavaŭ, kažuć vidavočcy.

— My havaryli kiroŭcu, što, kali jon choča vysadzić «zajcoŭ», to niachaj projdzie pa sałonie i pravieryć kvitki. Ale jon prosta siadzieŭ u kabinie. Potym padyšła i maršrutka, i inšy aŭtobus. Ludzi stali vychodzić, kab pierasieści na inšy transpart, — apisvajuć situacyju vidavočcy.

Pavialičyć

Pasažyry patrabavali ŭ kiroŭcy viarnuć hrošy za pajezdku, jakaja tak i nie adbyłasia. Ale jon adkazaŭ admovaj: skazaŭ, pa kampiensacyju treba źviartacca ŭ čaćviorty staličny aŭtapark, jaki absłuhoŭvaje maršrut № 343 «Uručča — Kałodziščy».

— Kali ludzi vychodzili, to adzin mužčyna padyšoŭ da kiroŭcy, kab razabracca ŭ zdareńni. Pasažyr jašče nie paśpieŭ ničoha skazać, jak atrymaŭ hałavoju pa nosie. U jaho šmat vielmi mocna ciakła kroŭ. Vyklikali chutkuju jamu i milicyju. Napeŭna, tam pierałom, — miarkuje Taćciana.

Miedyki pierałom nie paćvierdzili. Kanstatavali lohkija cialesnyja paškodžańni — drobnyja ranki. Ciapier pa hetym incydencie milicyja pravodzić pravierku. Va UUS Minskaha rajvykankama rastłumačyli, što i pasažyr, i kiroŭca admovilisia pisać adzin na adnaho zajavy.

Pavialičyć

Mahčymaj pryčynaj kanfliktu staŭ nieapłačany prajezd.

— Pasažyr zajšoŭ raniej, ale kvitok nie kupiŭ. I, dajechaŭšy da hetaha prypynku, zachacieŭ vyjści, tak i nie apłaciŭšy prajezd. Na hetaj hlebie ŭ ich paŭstaŭ kanflikt. Paśla ŭdaru kiroŭcy ŭ pasažyra na tvary zastalisia drobnyja ranki, — udakładniła pres-aficer Minskaha RUUS Julija Łobač.

U «Minsktransie» ličać, što «rabić siensacyju» z hetaj historyi nie varta.

— Situacyja niepryjemnaja. My raźbiaremsia i prymiem miery. Kali kiroŭca budzie vinavaty, to jon budzie pakarany. Kali nie jon, značyć pasažyr budzie za ŭsio adkazvać, — emacyjna vykazaŭsia nakont taho, što zdaryłasia, namieśnik dyrektara «Minsktransa» Viktar Tozik.

Pavialičyć

• 0
• 0
• 0
• 0
• 0
• 0
• 0
• 0