U Žodzinie zatrymali ŭdzielnikaŭ mitynhu salidarnaści z pradprymalnikami
Na rynku Žodzina padčas sproby pravieści mitynh salidarnaści z pradprymalnikami milicyjanty zatrymali siabraŭ arhkamitetu «Salidarnaści z pradprymalnikami» Alesia Makajeva, Alesia Abramoviča i Michasia Łatyšava, aktyvista BCHD Paŭła Prakapoviča i siabra Maładoha Frontu Paŭła Staravojtava. Taksama na rynku byŭ składzieny pratakoł na miascovaha aktyvista Ivana Pomaza.
«Nas adviali ŭ adździeł milicyi i ciapier składajuć pratakoły. Chutčej za ŭsio nia vyzvalać na ranicy», — paśpieŭ pieradać karespandentu Svabody Pavał Prakapovič. Potym suviaź z aktyvistam abarvałasia.
Mitynh doŭžyŭsia 40 chvilin.
«Spačatku mitynhoŭcy źviarnulisia sa zvarotam da handlaroŭ i naviednikaŭ rynku, potym pajšli pa šerahach. Milicyjanty fiksavali dziejańni aktyvistaŭ, a potym pa adzinaj kamadzie pačalisia zatrymańni», — raspavioŭ Svabodzie ŭdzielnik akcyi.
Kamientary