Ultrapravyja nie prajšli: na vybarach prezidenta Aŭstryi pieramoh Alaksandr Van der Bielen
Eks-lidar partyi «zialonych» Alaksandr Van der Belen pieramoh pa vynikach druhoha tura prezidenckich vybaraŭ u Aŭstryi, jon nabraŭ 50,35% hałasoŭ. Jaho supiernik, kandydat ad pravapapulisckaj Aŭstryjskaj partyi svabody (APS) Norbiert Chofier atrymaŭ 49,64%.
Takim čynam, pieravaha na karyść Van der Belena skłała krychu bolš za 31 tysiaču hałasoŭ. Jaŭka ŭ druhim tury vybaraŭ skłała 72,7%. Aficyjnyja vyniki byli abvieščanyja ŭ paniadziełak, 23 maja.
Chofier pryznaŭ svaju parazu jašče da aficyjnaha abviaščeńnia vynikaŭ. «Ja dziakuju vam za vialikuju padtrymku. Viadoma, mnie siońnia sumna», — napisaŭ jon u svaim Facebook. «Ja zastanusia vierny vam i ŭniasu svoj układ u pazityŭnuju budučyniu Aŭstryi», — zapeŭniŭ palityk.
Druhi tur prezidenckich vybaraŭ u Aŭstryi adbyŭsia 22 maja, ale kančatkovyja vyniki byli abvieščanyja tolki na nastupny dzień u suviazi z tym, što hałasy tych, chto ŭdzielničaŭ u vybarach pa pošcie (kala 14% vybarščykaŭ), byli paličanyja paźniej. Paviedamlajecca, što havorka idzie pra bolš čym 700 tysiačach biuleteniaŭ.
Pieršy tur vybaraŭ adbyŭsia 24 krasavika, pa jaho vynikach Chofier nabraŭ 35%, Van der Belen — 21%.
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia18
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2323
Kamientary