U ZŠA vyjaŭleny pieršy vypadak infiekcyjnaha zachvorvańnia, jakoje nie paddajecca lačeńniu ni adnym ź isnujučych antybijotykaŭ.
Pra heta ŭ piatnicu, 27 maja, paviedamlaje Reuters sa spasyłkaj na amierykanski dziaržaŭny centr pa kantroli i prafiłaktycy zachvorvańniaŭ, pieradaje Dožd́.
Pavodle źviestak viedamstva, z takim vypadkam miedyki sutyknulisia ŭ štacie Piensilvanija, sprabujučy vylečyć infiekcyju močapałavych šlachoŭ u pacyjentki.
Kiraŭnik centra Tomas Fryd zajaviŭ, što «my ryzykujem apynucca ŭ postantybijatyčnym śviecie», adznačaje Reuters.
Vyjaŭlenaja bakteryja zaražanaja frahmientam DNK pad nazvaj MCR-1, jaki pieradaje joj nieŭsprymalnaść da antybijotykaŭ, tłumačyć vydańnie. Jana nie ŭsprymalnaja navat da kaliścinu, jaki vykarystoŭvajuć u samych składanych vypadkach, kali inšyja antybijotyki na bakteryi nie dziejničajuć.
Heta pieršy padobny vypadak u ZŠA.
Pra vyjaŭleńnie hiena MCR-1 u listapadzie paviedamlali daśledčyki Paŭdniova-Kitajskaha sielskahaspadarčaha univiersiteta (SCAU). «Źjaŭleńnie MCR-1 pakazvaje padzieńnie apošniaj hrupy antybijotykaŭ, polimiksinaŭ, pierad rezistentnaściu, jakaja pieradajecca z płaźmidami, — pisali aŭtary pracy. — Choć ciapier MCR-1 abmiežavany Kitajem, nieŭzabavie jon moža paŭtaryć los inšych hłabalna raspaŭsiudžanych miechanizmaŭ ustojlivaści, takich jak NDM-1».
Ciapier čytajuć
Zahinuŭ biełaruski dobraachvotnik Alaksiej Łazaraŭ10
Kamientary