Sieniehalski sud pryznaŭ byłoha prezidenta Čada Chisena Chabre vinavatym u złačynstvach suprać čałaviečnaści i prysudziŭ jaho da pažyćciovaha źniavoleńnia.
Sud pryznaŭ jaho vinavatym u zhvałtavańniach, prodažy žančyn u seksualnaje rabstva i zamovie zabojstvaŭ padčas kiravańnia krainaj z 1982 pa 1990 hod.
Paciarpiełyja i členy siemjaŭ zahinułych vitali prysud, mnohija paśla abviaščeńnia prysudu abdymalisia ŭ zale suda.
U chodzie sudovaha pracesu Chabre, jaki atrymaŭ mianušku «afrykanski Pinačet», admaŭlaŭsia pryznać lehitymnaść suda, a taksama admaŭlaŭ, što pa jaho zahadu byli zabityja 40 tysiač čałaviek.
U 2013 hodzie Chabre aryštavali ŭ Sieniehale, kudy jon źbieh paśla dziaržaŭnaha pieravarotu ŭ 1990-m hodzie.
Da hetaha eks-prezident Čada karystaŭsia zastupnictvam sieniehalskaha ŭrada, adnak u vyniku cisku mižnarodnaj supolnaści letaś Sieniehał narešcie pačaŭ sudovy praces.
Sud Čada raniej zavočna vynies eks-lidaru śmiarotny prysud za pahrozu kanstytucyjnamu ładu krainy.
Ciapier čytajuć
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha89
Kamientary