Paryžski Łuŭr vyrašana zakryć dla naviedvańnia 2 i 3 červienia, kab u vypadku mocnaj pavodki ŭ supracoŭnikaŭ muzieja była mahčymaść pieramiaścić asabliva kaštoŭnyja ekspanaty ŭ nadziejnyja schoviščy.
«Muziej budzie zakryty dla naviedvalnikaŭ zaŭtra ź mierkavańniaŭ zaściarohi. Nijakaj niebiaśpieki dla naviedvalnikaŭ abo supracoŭnikaŭ muzieja niama, ale za hety čas my zmožam pieramiaścić peŭnyja kalekcyi ŭ vypadku, kali takaja nieabchodnaść uźniknie», — havorycca ŭ paviedamleńni administracyi muzieja.
Na poŭnačy Francyi iduć praliŭnyja daždžy, uzrovień vady ŭ Sienie praciahvaje padymacca. Raniej u čaćvier prezident Fransua Aland zajaviŭ, što ŭ bližejšy čas u najbolš paciarpiełych rajonach budzie abvieščanat nadzvyčajnaje stanovišča.
Praz pavodku ŭ Francyi za apošnija niekalki dzion evakujavali bolš za 5 tysiač čałaviek. Padtoplenymi akazalisia dziasiatki haradoŭ.
Pry dalejšym pavyšeńni ŭzroŭniu vady ŭ Sienie, pavodle dadzienych uładaŭ Paryža, moža być zakrytaja adna ź linij mietro. Zhodna z prahnozam sinoptykaŭ, u bližejšy čas na poŭnačy Francyi vypadzie 10-dzionnaja norma apadkaŭ.
Ciapier čytajuć
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary