Raśsielhasnahlad zapadozryŭ krainy ES u tym, što jany spryjajuć pastaŭkam u Rasiju sankcyjnaj pradukcyi pad vyhladam tavaraŭ z Afryki. Viedamstva papiaredziła, što moža zabaranić reekspart harodniny i sadaviny ź ES.
Rasija moža zabaranić reekspart harodniny i sadaviny praz krainy Jeŭrasajuza, paviedamiŭ «Interfaks» sa spasyłkaj na namieśnika kiraŭnika Raśsielhasnahladu Juliju Švabaŭskienie.
«Možam zabaranić reekspart harodniny i sadaviny praz krainy ES, bo padazrajom ich u tym, što jany spryjajuć pastaŭkam sankcyjnaj pradukcyi pad vyhladam pradukcyi z afrykanskich krain», — zajaviła Švabaŭskienie.
Pavodle jaje słoŭ, u Raśsielhasnahlada vyklikaje padazreńnie pradukcyja, jakaja supravadžajecca fitasanitarnymi siertyfikatami Bienina, Jemiena, Hviniei-Bisaŭ, Nihieryi i Burkina-Faso. Akramia taho, u viedamstva jość pytańni da pradukcyi ź siertyfikatami Kamieruna, Demakratyčnaj Respubliki Konha, Mazambika i šerahu inšych krain, jakaja pastupaje ŭ Rasiju z Hałandyi i Bielhii praź Biełaruś, dadała jana.
«U nas niama dakumientalnaha paćvierdžańnia pieramiaščeńnia hetych hruzaŭ, niama źviestak pra toje, što ich, da prykładu, pieravozili aŭtamabilami, tamu jość padazreńni, što pieramiaščajucca tolki papiery, a hruzy iduć z sankcyjnych krain. Možna, da prykładu, uziać hruz z Polščy i adpravić jaho ź siertyfikatam, dapuścim, Kamieruna», — skazała namieśnik kiraŭnika Raśsielhasnahlada.
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom23
Kamientary