Prezident RF Uładzimir Pucin ličyć ZŠA adzinaj zvyšdziaržavaj, adnak miarkuje, što hetaja dziaržava nie pavinna ŭmiešvacca ŭ spravy Rasii. Takuju zajavu rasijski prezident zrabiŭ na Pieciarburhskim mižnarodnym ekanamičnym forumie.
«Amieryka — vialikaja dziaržava. Siońnia, mabyć, adzinaja supierdziaržava. My heta prymajem. My žadajem i hatovyja pracavać sa Złučanymi Štatami. Śvietu patrebnaja takaja mahutnaja kraina, jak ZŠA. I nam patrebnaja. Ale nam nie treba, kab jany ŭvieś čas ŭmiešvalisia ŭ našy spravy, pakazvali, jak nam žyć, pieraškadžali Jeŭropie budavać z nami adnosiny»,
— cytuje Pucina «Interfaks».
Rasijski prezident nahadaŭ pra sankcyi, jakija RF ustanaviła ŭ dačynieńni da zachodnich krain u adkaz na anałahičnyja miery z boku ES i ZŠA. Pavodle jaho słoŭ, Štatam «naohuł naplavać» na rasijskija sankcyi.
«Na Jeŭropie [sankcyi] adbivajucca, a ŭ ZŠA nijak nie adbivajucca, nulavy efiekt. Ale amierykancy kažuć svaim partnioram: treba paciarpieć. Navošta im ciarpieć, ja nie razumieju. Nu, chočuć — chaj cierpiać», - skazaŭ Pucin.
Taksama jon zaŭvažyŭ, što Rasija nastrojenaja na pošuk kampramisaŭ u adnosinach z Zachadam i vystupaje suprać «nahniatańnia», jakoje moža pryvieści da chałodnaj vajny.
«Śvińni zarochkali. Biez vady daŭno nie siadzieli, ja b im adklučyŭ». Azaronak abrynuŭsia na žycharoŭ rajona Lebiadziny29
Kamientary