Prezident Rasii Uładzimir Pucin zajaviŭ, što ni adzin narod nie musić biaskonca žyć hieraičnym minułym, a treba iści napierad, abapirajučysia na padmurak, zakładzieny papiarednim pakaleńniem.
Takaja zajava rasijskaha prezidenta prahučała ŭ sieradu, 22 červienia, na sustrečy z pradstaŭnikami Ahulnarasijskaha histaryčnaha schodu.
«Ni adna kraina, ni adzin narod nie pavinien žyć minułym i kupacca ŭ svaim hieraiźmie biaskonca. Heta škodna i niebiaśpiečna dla budučyni nacyi», — skazaŭ Pucin.
«Ale iści napierad treba, u značnaj stupieni abapirajučysia na padmurak taho, što zroblena papiarednimi pakaleńniami», — dadaŭ jon.
Pucin padkreśliŭ, što vychoŭvać moładź nieabchodna «na asnovie ŭsiaho samaha lepšaha, što było zroblena za papiarednija dziesiacihodździ, stahodździ».
Tolki tak, pa słovach rasijskaha prezidenta, možna «adčuvać siabie ŭpeŭniena ŭ hetym śviecie, jaki chutka źmianiajecca, vybirać pravilnyja aryjenciry raźvićcia».
Kamientary