Mabilny servis pa vykliku aŭtamabilaŭ Uber zapuściŭ u Minsku funkcyju siamiejnych akaŭntaŭ u svajoj mabilnaj prahramie. Ciapier luby jaho karystalnik moža dadać da svajho akaŭnta členaŭ siamji abo siabroŭ.
Jak paviedamiła pres-słužba Uber, novaŭviadzieńnie dazvolić siemjam praściej uličvać vydatki na pajezdki. Tak, košt pajezdki členaŭ siamji abo siabroŭ, padłučanych da siamiejnaha akaŭnta, budzie śpisvacca z karty hałoŭnaha akaŭnta. Paśla zakančeńnia pajezdki i ŭładalnik hałoŭnaha akaŭnta, i člen siamji, jaki skarystaŭsia Uber praź siamiejny profil, atrymajuć padrabiaznuju spravazdaču pra pajezdku z ukazańniem maršrutu, infarmacyi pra partniora, a taksama detalizacyjaj koštu pajezdki.
U kampanii miarkujuć, što ŭkaranieńnie hetaj funkcyi dazvolić minimizavać usie chvalavańni, źviazanyja ź pieramiaščeńniem rodnych i blizkich, i pavysić biaśpieku pajezdak.
Kožny raz, jak tolki členy siamji buduć rabić pajezdki z Uber, uładalnik hałoŭnaha akaŭnta budzie atrymlivać apaviaščeńni ab hetych pajezdkach na svoj telefon. Akramia taho, jon zaŭsiody moža nazirać za pieramiaščeńniem svaich siabroŭ i členaŭ siamji ŭ Uber niepasrednaha sa svajho telefona.
Siamiejnyja akaŭnty dastupnyja i ŭ pajezdkach za miažoj: uładalnik hałoŭnaha akaŭnta budzie atrymlivać apaviaščeńnia ab pieramiaščeńni svaich blizkich, navat kali jany robiać pajezdki za miežami Biełarusi.
U siamiejny akaŭnt možna padklučyć da 10 čałaviek. Hetaja pasłuha akazvajecca biaspłatna.
«Pry padklučeńni siamiejnaha akaŭnta sistema praviadzie pravierku bankaŭskaj karty. Pry hetym mahčymaje źniaćcie z karty karystalnika nievialikaj sumy. Suma adrazu ž vierniecca na rachunak karystalnika. Śpisańnie srodkaŭ moža adbycca tolki ŭ vypadku, kali danaja bankaŭskaja karta nikoli nie vykarystoŭvałasia ŭ sistemie Uber», — rastłumačyli ŭ pres-słužbie.
Uber pracuje ŭ Minsku ź listapada 2015 hoda. Na siońniašni dzień minčanam i haściam stalicy Biełarusi dastupny servis dla masavaha siehmienta UberX i premijalny UberBLACK.
-
Pad Minskam adkryli zavod, dzie robaty vypuskajuć duchavyja šafy
-
«Časta na «chimii» składana rabić samyja prostyja rečy». Cichanoŭskaja vykazała spačuvańni z pryčyny śmierci Aleny Pankovaj
-
Biełaruska, jakaja vyrablaje broški ŭ vyhladzie dziaŭčat z čyrvona-zialonymi kakošnikami, ščyra nie razumieje, čamu jaje krytykujuć
Ciapier čytajuć
Ananimy — historyi biełarusaŭ, jakim prychodzicca šyfravacca, bo režym ličyć ich dziejnaść «kryminałam»10
Ananimy — historyi biełarusaŭ, jakim prychodzicca šyfravacca, bo režym ličyć ich dziejnaść «kryminałam»
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary