Uzbrojenyja pradstaŭniki radykalnaj apazicyjnaj hrupy praciahvajuć utrymlivać hrupu palicejskich na terytoryi pałka patrulna-pastavoj słužby palicyi Armienii ŭ Jerevanie, jaki jany zachapili napiaredadni.
Nahadajem, što ŭ vyniku napadu na raźmieščany ŭ jerevanskim rajonie Erebuni ŭčastak palicyi zahinuŭ pałkoŭnik palicyi Artur Vanajan, jašče čaćviora palicejskich byli paranienyja. Siarod napadnikaŭ taksama adzin čałaviek atrymaŭ ranieńnie.
Namieśnik načalnika palicyi Armienii Unan Pahasian paviedamiŭ ŚMI, što z členami radykalnaj hrupy, jakija zachapili budynak palicyi, viaducca pieramovy. Jon, adnak, vyklučyŭ vykanańnie ich patrabavańnia pa vyzvaleńni aryštavanaha ŭ minułym miesiacy lidara ruchu «Ustanoŭčy parłamient» Žyrajra Siefilana.
Jak paviedamlajuć ŚMI, napiaredadni ŭ telefonnaj razmovie sa svaimi prychilnikami, jakija zachapili budynak palicyi, Siefilan skazaŭ, što jany pavinny sami vyrašać, što rabić dalej.
«Žyrajr Siefilan nie viedaŭ ni pra što. Ja apisaŭ situacyju, raspavioŭ pra toje, što zdaryłasia. Ale jon byŭ nie ŭ kursie, tamu skazaŭ: «Vyrašajcie sami», — u intervju haziecie «Žahavurd» skazaŭ adzin z členaŭ uzbrojenaj hrupy Pavieł Manukian.
Miž tym pradstaŭniki asnoŭnych palityčnych siłaŭ Armienii, u tym liku šerahu apazicyjnych partyj, asudzili napad na palicejski ŭčastak u Jerevanie, padkreślivajučy, što palityčnyja pytańni pavinny vyrašacca niehvałtoŭnymi kanstytucyjnymi mietadami.
U suviazi ź situacyjaj Armianskaja Apostalskaja Carkva taksama zaklikała da razvažlivaści ludziej, jakija ažyćciavili ŭzbrojeny napad, kab stała mahčymym urehulavać situacyju vyklučna mirnym šlacham i paźbiehnuć novych čałaviečych achviar.
Pravaachoŭnyja orhany Armienii adpuścili kala 50 čałaviek, jakija byli zatrymanyja napiaredadni pa padazreńni ŭ suviazi z členami radykalnaj hrupy, jakija ažyćciavili napad na palicejski ŭčastak. Hetuju infarmacyju padali z Ofisa ambudsmena Armienii.
Raniej u Palicyi zajavili, što padvierhnutyja pryvodu kala 200 čałaviek, jakich pravierać na suviaź z uzbrojenymi asobami, jakija zachapili budynak palicyi.
Prezident Armienii sklikaŭ naradu.
Ciapier čytajuć
Na vajskovyja zbory masava zabirajuć hrodziencaŭ. A što minčuki? Padrychtujciesia, vaša čarha — 2027‑2028 hady4
Na vajskovyja zbory masava zabirajuć hrodziencaŭ. A što minčuki? Padrychtujciesia, vaša čarha — 2027‑2028 hady
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2929
Kamientary