Nacyjanalnyja ściahi ŭ Minsku na 27 Lipienia ŠMAT FOTAŬ I VIDEA
27 lipienia 1990 h. Viarchoŭny Saviet BSSR pryniaŭ Dekłaracyju ab dziaržaŭnym suvierenitecie Biełarusi. Maładafrontaŭcy zaklikali adznačyć hety dzień a 8:30 bieł-čyrvona-biełymi ściahami na Płoščy Niezaležnaści.
09:15
«Hierojam słava!»: hrupa ŭkrainskich dziaciej pavinšavała ŭdzielnikaŭ #ŚviataNiezaležnaści. Kožny atrymaŭ bieł-čyrvona-biełuju stužku.
09:13
Akcyja pacichu skančajecca. Jaje ŭdzielniki pacichu zhortvajuć ściahi. Karespandenty «Našaj Nivy» naličyli kala 30 ściahoŭ. Siarod udzielnikaŭ byli Źmicier Daškievič, Pavieł Vinahradaŭ, Volha Mikałajčyk, Nina Bahinskaja, Maksim Viniarski.
09:11
Na Płošču Niezaležnaści padjechała palivalnaja mašyna, kab palić kusty, što rastuć uzdoŭž prypynku.
«Nie saromciesia, śmieła palivajcie», — raić jamu niejki mužčyna ŭ cyvilnym ź dźviuma racyjami. Ale rabotnik kamunalnaj słužby palivaje akuratna, kab vada nie trapiła na ŭdzielnikaŭ akcyi.
09:10
Šmat cikaviacca metami akcyi turysty, što žyvuć u hateli «Minsk». Jany spyniajucca kala aŭtobusaŭ, raspytvajuć udzielnikaŭ. Tyja tłumačać.
09:05
Źmicier Daškievič u kamientary «Našaj Nivie» skazaŭ, što akcyja atrymałasia. Pa jahonych słovach, z udzielnikaŭ akcyi maładafrontaŭcaŭ tolki pałova. Inšyja ludzi brali ściahi i dałučalisia da akcyi, kaža jon.
Inšy ŭdzielnik — 45-hadovy mužčyna — zaznačyŭ, što ŭpieršyniu ŭdzielničaje ŭ takich akcyjach. Jon kaža, što 27 lipienia — sapraŭdnaje śviata, a nie 3 lipienia.
09:00
Karespandent «Našaj Nivy» razhavaryŭsia z udzielnikam akcyi, 50-hadovym mužčynam. Jon kaža, što pracuje ekskavatarščykam, pieršy raz pryjšoŭ na akcyju. «Ja havaryć pryhoža nie ŭmieju. A naohuł — Žyvie Biełaruś!».
Tym časam milicyja niervujecca.
Mašyny, što jeduć praśpiektam, vitalna sihnalać.
Milicyjanier sprabuje dahnać Ninu Bahinskuju, fota Antona Matolki
08:53
Udzielnikaŭ niekalki dziasiatkaŭ čałaviek. Łancuh raściahnuŭsia na 250 mietraŭ, jon ciahniecca ad aŭtobusnaha prypynku, praz haścinicu «Minsk», kinateatr «Centralny» pad budynak KDB. Vielmi šmat milicejskich kamier.
08:45
Udzielniki akcyi, ich kala 20 čałaviek, stajać z boku prypynku mašrutu aŭtobusa №100 u bok vulicy Maskoŭskaj. Jany ŭsie sa ściahami. Razdajuć bieł-čyrvona-biełyja stužki ludziam na vulicy. Tyja achvotna biaruć.
Milicyja ŭžo składaje pratakoły. Źmicier Daškievič raić tym, na kaho składajuć pratakoły, kazać, što jany nie razumiejuć pa-rusku.
08:40
08:35
08:30
Akcyja pačałasia.
08:26
Ludzi ŭ cyvilnym užo zdymajuć.
***
Pradprymalnik, były palitviazień Źmicier Daškievič prapanavaŭ siońnia a 8.30 pravieści akcyju Śviata Niezaležnaści. Aktyvisty zaklikali vyjści na minskuju płošču Niezaležnaści z nacyjanalnymi ściahami.
«Zranku — kab uvieś narod pierad tym, jak pajści na pracu, zmoh adśviatkavać słaŭnuju datu našaj historyi. Chto nie spužajecca ŭviečary, nie spužajecca i ranicaj», — kaža Daškievič.
Heta nie adzinaja akcyja ŭ honar byłoha aficyjnaha Dnia Niezaležnaści, zapłanavanaja na siońnia.
Kala Fiłarmonii (płošča Jakuba Kołasa) budzie praviedzieny pikiet Partyi BNF. Płanujecca, što a 17.00 pretendenty ŭ kandydaty ad hetaj partyi utvorać łancuh ź bieł-čyrvona-biełymi ściahami. Zavieršycca pikiet uručeńniem Pamiatnaha znaku imia Viktara Ivaškieviča.
Uviečary, prykładna a 19-j, na pierakryžavańni vulic Sucharaŭskaja i Łabanka (nasuprać HC «Maksimus») adbudziecca biaspłatny kancert Lavona Volskaha. Taksama ŭ imprezie voźmuć udzieł televiadoŭca Jury Žyhamont i mastak Aleś Puškin.
Projdzie jon taksama ŭ ramkach śviatkavańnia Dnia 27 lipienia i pieradvybarčaha pikieta kandydata ad Ruchu za svabodu Alesia Łahvinca.
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»27
Kamientary