Chłopiec z Baranavičaŭ robić jachty dla arabskich bahaciejaŭ
Miesiac tamu Siarhiej źjechaŭ u Polšču. U Hdańsku jon uładkavaŭsia na pracu ŭ firmu, jakaja vyrablaje jachty. Siarhiej raspavioŭ Intex-press ab svajoj pracy i žyćci ŭ Jeŭropie.
Siarhieju 30 hadoŭ. U Baranavičach jon byŭ roznarabočym na ŽBK, a potym pracavaŭ ślesaram pa ramoncie aŭtamabilaŭ. U našym horadzie jamu składana było znajści aficyjnuju pracu z zarobkam «choć by 7—8 młn», tamu jon pajechaŭ na zarobki ŭ Polšču. Na pracu jon uładkoŭvaŭsia praz kampaniju-pasiarednik.
Ab firmie
Firma, u jakuju ja ŭładkavaŭsia, robić dvuchpaviarchovyja jachty, mienavita ŭ maim cechu heta — Supreme 68. Na vyrab adnoj takoj jachty sychodzić pryblizna dva miesiacy. Cana na kožnuju vyznačajecca indyvidualna. Ale heta realna doraha. Naprykład, adna tolki matornaja łodka, jakaja ŭvachodzić u kamplekt jachty, kaštuje 200 tys. dalaraŭ. A doška, jakoj abšyvajecca padłoha jachty, kaštuje 30000 złotych (7500$) za kvadratny mietr.
Bolš za ŭsio na novaj pracy mianie ŭraziła, jak adlivajucca novyja jachty. Hety praces začaroŭvaje. U mianie vočy na łob paleźli, kali ja ŭbačyŭ, jak za adzin raz adlivajuć korpus jachty pamieram z katedž. Mnie zdajecca, padobnuju vytvorčaść možna było razharnuć u cechach baranavickaha ŽBK, jaki zahinajecca, kali b byŭ vychad da mora.
Ab rabocie
Ja pracuju z 6 da 16 hadzin. Jość dva pierapynki — paŭhadzinny abied i druhi 15-chvilinny pierapynak. Kureńnie na terytoryi pradpryjemstva stroha zabaroniena. Praca cikavaja. Pakul ja vučań i vykonvaju ŭsiakija drobnyja daručeńni. Da taho ž ja jašče słaba viedaju polskuju. Kali ja nie razumieju nastaŭnikaŭ, jany zadzirajuć hałovy, zakočvajuć vočy i kažuć «kurrrrva» (raspaŭsiudžanaja polskaja łajanka), ale ŭsio roŭna sprabujuć usio rastłumačyć.
Maja zarpłata 10 złotych (5 bieł. rub) u hadzinu, ale pakul mnie hetaha chapaje. Kali budu pracavać dobra, to praz paŭhoda abiacajuć, što budu «ŭ šakaładzie» i pačnu atrymlivać 700 jeŭra, kali drenna, to praz tydzień paprosiać syści. Pakarańnie za «kasiaki» — štrafy.
Supracoŭnikaŭ na firmie niekalki sotniaŭ, jość ukraincy i palaki, biełarusaŭ i rasijan ja pakul nie sustrakaŭ. Častku majho zarobku atrymlivaje firma pa pracaŭładkavańni. Ale na ahienctvie lažyć kłopat ab maim isnavańni. Nakont hetaha tut vielmi stroha.
Pry zborcy jacht supracoŭniki majuć spravu sa škodnaj chimijaj, tamu jašče na etapie pracaŭładkavańnia było składana prajści miedkamisiju. Naša miedycynskaja daviedka ŭ Polščy nie kacirujecca. Polskija daktary vielmi staranna praviarajuć lohkija: dychaješ ŭ trubku na roznych režymach. Astmatykaŭ na takuju pracu nie voźmuć. Praca ciažkaja, ale nie ciažejšaja, čym była na ŽBK.
Ab umovach
Ja maju namier zastacca ŭ Hdańsku nazaŭždy i navat nie praz hrošy. Hdańsk — vielmi pryhožy horad, navat Picieru da jaho daloka. I tut dobry ŭzrovień žyćcia. Usio adnosna, viadoma, ale haradžanam chapaje. Ujavicie, kali na adnu zarpłatu ja mahu ŭziać niadrennuju, pa našych mierkach, mašynu, i jašče zastaniecca. Mašyny, darečy, u Polščy ŭ 2—3 razy tańniejšyja, čym u Baranavičach.
Na ježu ŭ mianie sychodzić 5 bieł. rub u dzień. Firmovyja rečy kaštujuć stolki ž, jak u nas kitajskija padrobki. Ja žyvu ŭ trochpakajovaj kvatery ź jašče dvuma chłopcami, u kožnaha svoj pakoj. Za žyllo płaču 10 złotych u dzień (5 bieł. rub). Pałova hetaj sumy apłačvajecca firmaj.
U Polščy darahi internet: 30 złotych (15 bieł. rub) za 6 hb mabilnaha internetu, vajfaj doma 40 złotych (20 bieł. rub) u miesiac. Mora za 15 chvilin ad doma. Čaściakom siadžu ŭ sacyjalnych sietkach prosta na bierazie Bałtyki.
Ciapier čytajuć
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»19
Kamientary