Zarpłata ŭ sporcie pavinna zaležać ad vynikaŭ, zajaviŭ Alaksandr Łukašenka 15 žniŭnia padčas rabočaj pajezdki ŭ Małarycki rajon Bresckaj vobłaści, pieradaje BIEŁTA.
«Budzie vynik — atrymlivaj dadatkova. Treba dać mahčymaść hulać tym, chto choča hulać, a potym užo płacić hrošy. A to pryjduć da hubiernatara abo Prezidenta: daj hrošaj. A vynik dzie?» — skazaŭ kiraŭnik dziaržavy.
Anałahičny padychod nieabchodny i adnosna zarpłat administracyjnaha składu ŭ šerahu kłubaŭ, jakija treba pryviazać vyklučna da finansavaha vyniku.
Razmova ab raźvićci sportu, u tym liku dziciača-junackaha, zajšła kala miascovaha spartyŭnaha kompleksu, dzie pryziamliŭsia prezidencki viertalot. Alaksandr Łukašenka daŭ šerah kankretnych daručeńniaŭ u hetaj halinie. U ich liku vyrašeńnie prablemnych pytańniaŭ z rabotaj ladovaj areny ŭ Biarozie.
Prezident vykazaŭ i krytyčnuju zaŭvahu nakont vystupleńnia asobnych biełaruskich atletaŭ na Alimpijadzie ŭ Rya-de-Žanejra.
«Niekatoryja pakazvajuć vyniki horšyja, čym da Alimpijady pry adbory. Paŭstaje pytańnie, čaho pajechali?» — adznačyŭ kiraŭnik dziaržavy.
«Zasiarodžusia na pracy z ZŠA». Cichanoŭski raskazaŭ pra svaje palityčnyja płany na 2026 hod32
Kamientary